ເເບ່ງປັນໝົດເປືອກ ປະສົບການຈາກທຶນ YSEALI Academic Fellowship ຈາກອາດີດນັກສຶກສາທີ່ໄດ້ເຂົ້າຮ່ວມຢູ່ປະເທດອາເມລິກາ #3

ສະບາຍດີ ກ້າວ່າຫຼາຍໆຄົນຊ້ວງນີ້ກໍາລັງກຽມໂຕຂຽນ Form ຢູ່ແມ່ນບໍ່ ຢາກມີກຳລັງໃຈຂຽນ Form ລະກຽມຕົວອ່ານເລີຍເດີ້ເພາະມື້ນີ້ກ້າມີບົດຄວາມການສໍາພາດຈາກສາວຄົນນີ້ມາເເນະນໍາໃຫ້ອ່ານ ຮັບຮອງເລີຍວ່າຖ້າໄດ້ອ່ານເເລ້ວທ່ານຈະໄດ້ເເຮງບັນດານໃຈໄປເສັງທຶນນີ້ແນ່ນອນ

ໄປອ່ານພ້ອມກັນເລີຍ!

IMG-20180601-WA0005IMG-20180601-WA0016IMG-20180601-WA0007

1.ເເນະນໍາຕົນເອງ

ສະບາຍດີຂ້ອຍຊື່ ພັດສະລິນ ພົມມະວົງ ຖ້າຈະເອີ້ນຊື່ຫລິ້ນເເມ່ນ (ນໍ້າຝົນ)

ເປັນນັກສຶກສາປີທີ4 ຄະນະສະຖາປັດຕະຍາກຳສາດ ສາຂາອອກເເບບຜະລິດຕະພັນ

ໄດ້ເຂົ້າຮ່ວມໂຄງການ  YSEALI Fall 2017 ໃນຫົວຂໍ້ Social Entrepreneurship ທີ່ University of connecticut

2. ຮູ້ຈັກທຶນ YSEALI ໄດ້ເເນວໃດ? ເເຮງຈູງໃຈທີ່ເຮັດໃຫ້ສະຫມັກທຶນນີ້ເເມ່ນຫຍັງ?

ຝົນຮູ້ຈັກທຶນນີ້ ຈາກລຸ້ນອ້າຍເອື້ອຍເເລະຫມູ່ທີ່ພວກເຂົາເຈົ້າເຄີຍເຂົ້າຮ່ວມທຶນນີ້ ເພາະຫລັງຈາກກັບມາພວກເຂົາໄດ້ມາເເບ່ງປັນເລົ່າປະສົບການຢູ່ພຸ້ນໃຫ້ຟັງເເລະ ນອກນີ້ຝົນເອງຍັງໄດ້ຖືກຊວນໄປເປັນອາສາສະຫມັກເຮັດໂຄງການທີ່ລຸ້ນອ້າຍເອື້ອຍໄດ້ຈັດຂຶ້ນ ມັນເລີຍເຮັດໃຫ້ຝົນໄດ້ເເຮງບັນດານໃຈທີ່ຢາກຈະລອງສະຫມັກເພາະອີກປະການໜຶ່ງຕອນນັ້ນຝົນຄິດວ່າ ມັນຈະເຮັດໃຫ້ຝົນໄດ້ຄົ້ນພົບວ່າຕົນເອງມັກເເລະສົນໃຈຫຍັງເເທ້ໆຝົນເລີຍຕັດສິນໃຈລົງມືສະໝັກ.

3. ຂັ້ນຕອນການສະຫມັກທຶນYSEALI ຂອງປີກາຍນີ້ເປັນເເນວໃດ? [ ເຈົ້າຄິດວ່າເຄັດລັບໃນການການຂຽນຟອມເເລະສໍາພາດສໍາລັບເຈົ້າ ເຈົ້າເອົາກົນລະຍຸດໃດໄປໃຊ້ຈຶ່ງສາມາດໂນ້ມນ້າວຈິດໃຈກໍາມະການໃຫ້ຕ້ອງເລືອກເຮົາ]

ປີກາຍນີ້ເເມ່ນ ຝົນໄດ້ສະໝັກ Online ໂດຍການ Download Form ມາຂຽນເເລ້ວກໍສົ່ງຜ່ານ Email
ຮອບທໍາອິດເເມ່ນການຄັດເລືອກຟອມ
ຮອບທີ່1 ການຂຽນຟອມ

ສໍາລັບຝົນເອງການຂຽນຟອມທີ່ດີ ທໍາອິດເເມ່ນຕ້ອງຮູ້ເປົ້າຫມາຍຈຸດປະສົງຂອງຕົນເອງແທ້ໆກ່ອນວ່າຢາກໄປເຮັດຫຍັງເພື່ອຫຍັງ ເເລະພະຍາຍາມເລືອກຫົວຂໍ້ທີ່ຕົນເອງໃຫ້ຄວາມສົນໃຈນັ້ນກໍຄືຫົວຂໍ້ Social Entrepreneurship ເເລ້ວເອົາສິ່ງທີ່ຕົນເອງກໍາລັງຮຽນຢູ່ນັ້ນກໍຄື ການອອກເເບບຜະລິດຕະພັນ ເເລະເອົາກິດຈະກໍາວຽກງານທີ່ຕົນເຮັດຂຽນໃຫ້ມັນກ່ຽວຂ້ອງກັບຫົວຂໍ້ທີ່ຕົນເອງເລືອກ. ເຊິ່ງການຂຽນຝົນພະຍາຍາມຂຽນໃຫ້ມັນສະເເດງເຖິງຄວາມຢາກໄປຮຽນຮູ້ໃຫ້ຫຼາຍ ສໍາຄັນພະຍາຍາມເຮັດໃຫ້ສິ່ງທີ່ຂຽນໃຫ້ມັນໜ້າສົນໃຈ ເປັນໄປໄດ້ ສາມາດເຮັດເເທ້ທໍາຈິງໄດ້.

ຮອບທີ2 ສໍາພາດ
ພະຍາຍາມໝັ້ນໃຈໄວ້ ໂດຍການກຽມຕົວໃຫ້ພ້ອມ ເພາະຄວາມໝັ້ນໃຈຈະສາມາດຊ່ວຍຫຼຸດຜ່ອນຄວາມຕື່ນເຕັ້ນໄດ້ຫລາຍເລີຍ.
ອີກຢ່າງໜຶ່ງເເມ່ນ ພະຍາມຍາມສະເເດງໃຫ້ກໍາມະການເຫັນວ່າເຮົາສົນໃຈເເທ້ໆ, ຕັ້ງໃຈຢາກໄປຮຽນຮູ້ອີ່ຫຼີ ເພາະເວລາທີ່ເຮົາຕອບໃນສິ່ງທີ່ເຮົາຕ້ອງການຢາກໄດ້ເເທ້ໆໄດ້ເເລ້ວ ກໍາມະການຈະສາມາດຮັບຮູ້ໃນຄວາມຕັ້ງໃຈເຮົາໄດ້.

4. ການເສັງທຶນນີ້ພາສາອັງກິດຕ້ອງຢູ່ໃນລະດັບໃດ? ຄະເເນນTOFEL ຫລື IELTSຈໍາເປັນຕ້ອງຕິດຂັດສົ່ງພ້ອມຢູ່ຫວາ?

ສໍາລັບລະດັບຂອງພາສາອັງກິດຕ້ອງຢູ່ໃນລະດັບທີ່ຕົນເອງໝັ້ນໃຈ. ໝາຍຄວາມວ່າເຮົາສາມາດທີ່ຈະສື່ສານໃນສິ່ງທີ່ເຮົາຢາກເວົ້າໄດ້ເເລະສາມາດເຂົ້າໃຈໃນເວລາທີ່ຟັງຄົນອື່ນເວົ້າເຊັ່ນດຽວກັນ. ເພາະການໄປເຂົ້າຮ່ວມໂຄງການນີ້ທຸກຢ່າງເຮົາຈະຕ້ອງໄດ້ໃຊ້ໃນການສື່ສານກັນເເມ່ນເປັນພາສາອັງກິດໝົດເລີຍເເລະ ນອກນີ້ເຮົາຍັງຈະໄດ້ຍິນສຽງສໍານຽງພາສາອັງກິດທີ່ຫຼາກຫຼາຍບໍ່ວ່າຈະເປັນສໍານຽງເມກາເເລະອາຊຽນເຮົາ ສະນັ້ນໃຜທີ່ຈະສະໝັກກໍພະຍາຍາມກຽມພ້ອມຄວາມໝັ້ນໃຈດ້ານພາສາອັງກິດຈະເປັນການດີຫຼາຍ.

ສໍາລັບຄະເເນນ  TOFEL ຝົນບໍ່ມີ ເເຕ່ຝົນມີຄະເເນນ  IELTS ເລີຍສົ່ງຄະເເນນ IELTS ໃນຄວາມເປັນຈິງມີສົ່ງກໍໄດ້ບໍ່ມີກໍບໍ່ເປັນຫຍັງ ເພາະເພິ່ນວ່າ Optional.

5. ຫລັງຈາກໄດ້ຮັບທຶນນີ້ເເລ້ວກຽມຕົວເເນວໃດກ່ອນຈະໄປປະເທດອາເມລິກາ?

ຫລັງຈາກໄດ້ຮັບທຶນເເລ້ວ ຝົນເອງກໍພະຍາຍາມກຽມຄວາມຮູ້ໃນຫຼາຍດ້ານໂດຍສະເພາະໄດ້ສຶກສາເພີ່ມຕື່ມເລື່ອງຫົວຂໍ້ທີ່ຕົນເອງໄດ້ເລືອກນັ້ນກໍຄື ^ທຸລະກິດຊ່ວຍເຫຼືອສັງຄົມ^. ນອກນີ້ ຍັງຕ້ອງໄດ້ກຽມເລື່ອງເອກະສານຕ່າງໆ ທີ່ເພິ່ນກໍານົດໃຫ້ ເເລະກໍກຽມພ້ອມທາງສຸຂະພາບພ້ອມ.
ຝົນຂໍເເນະນໍາໜ້ອຍໜຶ່ງສໍາລັບໃຜທີ່ຈະໄປຫົວຂໍ້ນີ້ ຢາກໃຫ້ກຽມ Project 1 ຄ້າວໆໄວ້ຕັ້ງເເຕ່ຢູ່ລາວຈະເປັນການດີຫຼາຍເພາະໄປພຸ້ນເຮົາຈະໄດ້ຮຽນຂຽນ Business plan ເເບບເຈາະເລິກ ມັນຈຶ່ງບໍ່ເສຍເວລາຫຼາຍ.

6. ຕອນໄປຮອດປະເທດອາເມລິກາໃໝ່ໆມີຄວາມຮູ້ສຶກເເນວໃດ? ເເມ່ນຫຍັງຄືສິ່ງທີ່ເຮັດໃຫ້ຕົນເອງ Surprise?

ຕອນໄປຮອດເມກາໃໝ່ໆ ທໍາອິດກໍຕື່ນເຕັ້ນ ກັງວົນໜ້ອຍໜຶ່ງ ເພາະເປັນຄົນລາວຜູ້ດຽວທີ່ຈະຕ້ອງປະຈົນໄພຢູ່ມະຫາໄລນັ້ນ. ເເຕ່ຫຼັງປັບໂຕໄດ້ກໍສະບາຍເລີຍ ເເຖມຍັງປັບຕົວບໍ່ຍາກ ເພາະໝູ່ໆເເລະອາຈານຢູ່ນັ້ນມີຄວາມເປັນກັນເອງຫຼາຍ, ໃຫ້ຄວາມຊ່ວຍເຫຼືອເຮົາຕະຫຼອດເວລາເລີຍ.

ສິ່ງທີ່ເຮັດໃຫ້ຕົນເອງ Surprised ແມ່ນ ການຈາລະຈອນຢູ່ເມກາລົດຢູ່ນັ້ນຈະເບິ່ງຄົນໝາຍຄວາມວ່າ ລົດຢູ່ນັ້ນເຖິງຈະຂັບຂີ່ໄວປານໃດກໍຕາມ ຖ້າລົດເຫັນຄົນຂ້າມທາງຢູ່ໃສຈະຢຸດໃຫ້ທັນທີ  ເຊິ່ງຄົນຍ່າງບໍ່ຈໍາເປັນຕ້ອງຍຸດຍ່າງເລີຍ ຫລືຈະກັງວົນເວລາຍ່າງຂ້າມທາງເລີຍ ເຊິ່ງມັນເປັນສິ່ງທີ່ເຮັດໃຫ້ຝົນ Surprised ຫຼາຍ.

7. ການໄດ້ເຂົ້າຮ່ວມໂຄງການ YSEALI ໃນຫົວຂໍ້ນີ້ ເຮັດໃຫ້ຕົນເອງຮຽນຮູ້ຫຍັງເເດ່?
   

ໄດ້ຮຽນຮູ້ຢ່າງລະອຽດກ່ຽວກັບທຸລະກິດເພື່ອສັງຄົມ, ນັບຕັ້ງແຕ່ການເລີ່ມສ້າງproject, ການກຳນົດບັນຫາ, ການແກ້ໄຂບັນຫາ, ການຂຽນ Business plan ເເລະ ອີກຫຼາຍໆຢ່າງ.
ເຊິ່ງການຮຽນຢູ່ນັ້ນ, ນອກຈາກໄດ້ຮຽນໃນຫ້ອງແລ້ວຍັງມີການອອກໄປທັດສະນະຂ້າງນອກອີກດ້ວຍ. ເຊິ່ງການໄປທັດສະນະນີ້ຝົນຍັງໄດ້ເຮັດໜ້າທີ່ເປັນອາສາສະໝັກໃນວຽກຂອງ ທຸລະກິດເພື່ອສັງຄົມອີກດ້ວຍ ມັນຍິ່ງເຮັດໃຫ້ຝົນເຂົ້າໃຈຢ່າງເລິກເຊິ່ງຍິ່ງຂຶ້ນໃນຫົວຂໍ້ທີ່ຕົນເອງເລືອກເເລະ ເຮັດໃຫ້ຕົນເອງມັກໃນທຸລະກິດເພື່ອສັງຄົມຍິ່ງຂຶ້ນ
ສິ່ງທີ່ສຳຄັນແມ່ນບົດຮຽນທີ່ເຮົາໄດ້ຮຽນເປັນບົດຮຽນທີ່ສາມາດນຳມາໃຊ້ໄດ້ຈິງໄດ້ເລີຍ ລວມເຖິງ ແຜນທີ່ເຮົາໄດ້ຂຽນຂຶ້ນມາຕອນທີ່ໄດ້ຮຽນນັ້ນມັນສາມາດນຳໄປຂໍທຶນມາເຮັດproject ໄດ້ເລີຍ

8. ສິ່ງທີ່ເຮັດໃຫ້ປະທັບໃຈທີ່ສຸດໃນການເຂົ້າຮ່ວມເເມ່ນຫຍັງ?

ແມ່ນປະທັບໃຈຕັ້ງແຕ່ມື້ທຳອິດ ຈົນເຖິງມື້ສຸດທ້າຍ. ທັງໂຄງການ ແລະ ໂຮງຮຽນໃຫ້ການຕ້ອນຮັບເປັນຢ່າງດີ, ອາຈານກໍໃຫ້ຄວາມສົນໃຈ ແລະ ຕັ້ງໃຈສອນຫຼາຍ ເນື່ອງຈາກຝົນບໍ່ເຄີຍຮຽນກ່ຽວກັບການເຮັດທຸລະກິດມາກ່ອນ, ສະນັ້ນຈຶ່ງບໍ່ຄ່ອຍຄຸ້ນເຄີຍກັບສາຍນີ້ປານໃດ, ໃນເວລາຢູ່ໃນຫ້ອງຮຽນກໍຈະມີຫຼາຍຄຳສັບທີ່ບໍ່ຄຸ້ນເຄີຍ,ບໍ່ຄ່ອຍຈະໄດ້ຍິນມາກ່ອນ, ຝົນກໍເອົາໄປຖາມອາຈານ ອາຈານກໍຈະຕອບລະອຽດໃຫ້ຕະຫຼອດ ຮັບຮູ້ໄດ້ເຖິງຄວາມໃສ່ໃຈທີ່ມີຕໍ່ເຮົາ
ນອກຈາກນີ້ກໍປະທັບໃຈໝູ່ຄູ່ອາຊຽນດ້ວຍກັນໂດຍສະເພາະແມ່ນ Roommate ລາວໄດ້ຊ່ວຍຝົນຫຼາຍ ເພາະລາວຖືວ່າເປັນຄົນໜຶ່ງທີ່ມີປະສົບການກ່ຽວກັບການເຮັດທຸລະກິດເພື່ອສັງຄົມ ແລະ ກໍໃຫ້ຄຳປຶກສາໄດ້ເປັນຢ່າງດີ.

ອີກຢ່າງໜຶ່ງ ຕອນຝົນໄປກໍບໍ່ໄດ້ກຽມProject ອີ່ຫຍັງໄປຫຼາຍ ເວລາທີ່ບໍ່ເຂົ້າໃຈຫຍັງໝູ່ຄູ່ ແລະ ອາຈານກໍຈະໃຫ້ຄຳປຶກສາໄດ້ດີ.

9. ສໍາລັບຕົນເອງມີວິທີການພັດທະນາຕົນເອງເເນວໃດ ໃນດ້ານຂອງພາສາອັງກິດ?

ສຳຫຼັບຝົນແລ້ວທຸກໆພາສາທີ່ຝົນຮຽນແມ່ນຈະພະຍາຍາມເອົາເຂົ້າມາໃຊ້ໃນຊິວິດປະຈຳວັນໃຫ້ຫຼາຍທີ່ສຸດ, ພະຍາຍາມສ້າງສະພາບແວດລ້ອມທີ່ຕົນມັນແລ້ວເອົາພາສາເຂົ້າໄປໃສ່ໃນມັນເຊັ່ນວ່າ: ເລີ່ມຈາກປ່ຽນເມນູໂທລະສັບໃຫ້ເປັນພາສາອັງກິດ, ນອກຈາກນັ້ນ ການອ່ານປຶ້ມ,ເບິ່ງໜັງ,ຟັງເພງ,ກໍຫັນມັນໃຫ້ເປັນພາສາອັງກິດ. ທີ່ສຳຄັນກວ່ານັ້ນຝົນເອງກໍພະຍາຍາມຊອກຫາໂອກາດໃນການເວົ້າເພາະມັນຈະຊ່ວຍພັດທະນາພາສາເຮົາໄດ້ຫຼາຍ,ເຊັ່ນການໄປເປັນຄົນນຳທ່ຽວ, ແລະ ເຂົ້າຮ່ວມ wrokshop ( ບາງທີ່ເວົ້າຄົນດຽວຢູ່ບ້ານກໍມີ)

10. ຝາກເຖິງນ້ອງໆທີ່ຢາກສະຫມັກທຶນນີ້ເເດ່ວ່າຕ້ອງເຮັດເເນວໃດຈຶ່ງຈະເປັນຜູ້ຖືກເລືອກ?

ສໍາລັບໃຜທີ່ຈະສະໝັກທຶນນີ້ ຕ້ອງກຽມພ້ອມ ຕັ້ງໃຈ ເລືອກຫົວຂໍ້ໃຫ້ເໝາະສົມກັບສິ່ງທີ່ຕົນເອງສົນໃຈ ເເລະຢາກຈະໄປຮຽນຮູ້ແທ້ໆ ພະຍາຍາມສະເເດງຄວາມຢາກຈະຮຽນຮູ້ໃຫ້ຫຼາຍໆ ເເລະ ສະເເດງເຖິງຄວາມໝັ້ນໃຈວ່າເຮົາຈະສາມາດເອົາສິ່ງທີ່ຈະໄດ້ຮຽນມາພັດທະນາຕົນເອງ ສັງຄົມ ກໍຄືປະເທດຊາດ. ທີ່ສໍາຄັນຕ້ອງເປັນຕົວຂອງຕົນເອງໄວ້.

ໂຊກດີທຸກຄົນ!

Link ສະໝັກຢູ່ດ້ານລຸ່ມນີ້ເດີ້

https://m.facebook.com/usembassyvte/photos/a.178392124915.120376.82124194915/10156501643479916/?type=3

IMG-20180601-WA0014IMG-20180601-WA0010IMG-20180601-WA0011IMG-20180601-WA0015

 

Advertisements

ເເບ່ງປັນໝົດເປືອກ ປະສົບການຈາກທຶນ YSEALI Academic Fellowship ຈາກອາດີດນັກສຶກສາທີ່ໄດ້ເຂົ້າຮ່ວມຢູ່ປະເທດອາເມລິກາ #2

ສະບາຍດີ ກ້າວ່າຫຼາຍໆຄົນຊ້ວງນີ້ກໍາລັງກຽມໂຕຂຽນ Form ຢູ່ແມ່ນບໍ່ ຢາກມີກຳລັງໃຈຂຽນ Form ລະກຽມຕົວອ່ານເລີຍເດີ້ເພາະມື້ນີ້ກ້າມີບົດຄວາມການສໍາພາດຈາກໜຸ່ມຄົນນີ້ມາເເນະນໍາໃຫ້ອ່ານ ຮັບຮອງເລີຍວ່າຖ້າໄດ້ອ່ານເເລ້ວທ່ານຈະໄດ້ເເຮງບັນດານໃຈໄປເສັງທຶນນີ້ແນ່ນອນ

ໄປອ່ານພ້ອມກັນເລີຍ!

34105936_627224840948967_8769108713349840896_n

received_627225720948879

received_627224924282292
1. ເເນະນໍາຕົນເອງ

ສະ​ບາຍ​ດີ! ຂ້າ​ພະ​ເຈົ້າສົມ​ສຸກວ່າງ​ຊື່​ຊ້າຊື່​ຫລິ້ນອັງ​ເປົາເຊິ່ງ​ເຂົ້າ​ຮ່ວມ​ໂຄງ​ການYSEALI Spring 2018 ຢູ່​ໃນ​ University of Nebraska at Omaha.

ປັດ​ຈຸ​ບັນ​ຮຽນ​ຈົບ​ຊັ້ນ​ສູງ​ສາ​ຂາ​ບໍ​ລິ​ຫານ​ທຸ​ລະ​ກິດ​ຈາກວິ​ທະ​ຍາ​ໄລ​ຄອມ​ເຊັນ​ເຕີ,ສາ​ຂາ​ພາ​ສາ​ອັງ​ກິດ​ທົ່ວ​ໄປ​ຈາກວິ​ທະ​ຍາ​ໄລ​ສິ​ລິ​ມຸງ​ຄຸນແລະຕອນ​ນີ້​ກຳ​ລັງ​ສຶກ​ສາ​ຢູ່​ທີ່​ມະ​ຫາ​ວິ​ທະ​ໄລ​ແຫ່ງ​ຊາດ​ປີ3 ຄະ​ນະ​ອັກ​ສອນ​ສາດ,ພາ​ສາ​ອັງ​ກິດ.

ສຳ​ລັບ​ປະ​ສົບ​ການ​ຂອງ​ໂຕ​ເອງເຄີຍເປັນ​ນັກ​ຮຽນ​ແລກ​ປ່ຽນ​ໃນ​ປະ​ເທດລາວ, ​ຍີ່​ປຸ່ນ,ມາ​ເລ​ເຊຍແລະອິນ​ໂດ​ເນ​ເຊຍ.ນອກ​ນັ້ນ​ຍັງ​ເປັນLeader ຂອງ​ໂຄງ​ການປູກ​ຈິດ​ສຳ​ນຶກ​ການ​ຫຼຸດ​ຜ່ອນ​ຄວາມ​ສ່ຽງ​ໄພ​ແຫ້ງ​ແລ້ງ​ແລະ​ໄພ​ນ້ຳ​ຖ້ວມ​ແກ່​ຊຸມ​ຊົນເຊິ່ງ​ໂຄງ​ການ​ໄດ້​ສຳ​ເລັດ​ໄປ​ວ່າງ​ບໍ່​ດົນ​ມາ​ນີ້.

2. ຮູ້ຈັກທຶນ YSEALI ໄດ້ເເນວໃດ? ເເຮງຈູງໃຈທີ່ເຮັດໃຫ້ສະຫມັກທຶນນີ້ເເມ່ນຫຍັງ?

ຂ້າ​ພະ​ເຈົ້າ​ເຊື່ອ​ວ່າ​ຫລາຍ​ຄົນ​ຮູ້​ຈັກ​ກັບ​ໂຄງ​ການYSEALI ​ເປັນ​ຢ່າງ​ດີ​ ສະນັ້ນ​ບໍ່​ແປກ​ໃຈ​ເລີຍ​ວ່າ​ເປັນ​ຫຍັ​ງ​ຂ້າ​ພະ​ເຈົ້າ​ຄື​ຮູ້​ຈັກ​ທຶນ​ນີ້5555. ເຂົ້າ​ເລື່ອງຂ້າ​ພະ​ເຈົ້າ​ຮູ້​ຈັກ​ທຶນYSEALI ຕອນ​ທີ່​ຂ້າ​ພະ​ເຈົ້າ​ຮຽນ​ຢູ່​ປີ2 ຄື​ໃນ​ຕອນ​ນັ້ນ​ຂ້າ​ພະ​ເຈົ້າ​ເອງ​ກໍ່​ໄດ້​ເຂົ້າ​ໄປ​ຮຽນ​ພາ​ສາ​ອັງ​ກິດ(ຟ​ຣີ) ຢູ່​ສູນ​ອາ​ເມ​ລິ​ກາທາດ​​ດຳແລ້ວ​ມີ​ມື້​ໜຶ່ງທີ່​ເພິ່ນ​ຈັດworkshop ກ່ຽວ​ການshare ປະ​ສົບ​ການ​ຂອງ Alumni ທີ່​ເຄີຍ​ໄປ​ມາ​ແລ້ວ​. ຫລັງ​ຈາກ​ນັ້ນ​​ຂ້າ​ພະ​ເຈົ້າ​ເອງກໍມີ​ຄວາມ​ສົນ​ໃນ​ຢາກ​ລອງ​ສະ​ໝັກ​ເບິ່ງ​ເພາະ​ວ່າ​ອາ​ເມ​ລິ​ກາ​ເປັນ​ປະ​ເທດ​ທີ່​ຕົນ​ເອງ​ຝັນ​ຢາກ​ໄປ​ຕັ້ງ​ແຕ່​ຕອນ​ຍັງ​ນ້ອຍ​ພຸ້ນ​.

ສຳ​ລັບແຮງ​ຈູງ​ໃຈ​ທີ່​ເຮັດ​ໃຫ້​ສະ​ໝັກ​ທຶນ​ນີ້​ເພາະ​ວ່າຂ້າ​ພະ​ເຈົ້າ​ເປັນ​ຄົນ​ມາ​ຈາກ​ຕ່າງ​ແຂວງເຊິ່ງ​ຂ້າ​ພະ​ເຈົ້າ​ໄດ້ເຫັນ​​ເຖິງຄວາມ​ຕ້ອງ​ການ​ປັບ​ປຸງ​ຫລາຍໆ​ດ້ານໃນ​ຊຸມ​ຊົນ​ທີ່​ພະ​ເຈົ້າ​ອາ​ໄສຢູ່ເຊິ່ງ​ເຫດ​ຜົນ​ນີ້ເ​ຊິ່ງ​ເຮັດ​ໃຫ້​ພະ​ເຈົ້າ​ມີ​ຄວາມ​ຄິດ​ຢາກ​ປັບ​ປຸງ​ຄວາມ​ສາ​ມາດ​ຂອງ​ຕົນ​ເອງ​ໃຫ້​ເປັນ​ທີ່ຍອມ​ຮັບແລະ  ຂ້​າພະ​ເຈົ້າ​​ເອງຄິດ​ວ່າ​ໂຄງ​ການ​ນີ້​ເປັນ​ໂຄງ​ການ​ດຽວ​ທີ່​​ໃຫ້​ໂອ​ກາດຂ້າ​ພະ​ເຈົ້າ​ໄດ້​ໄປ​ຮຽນ​ຮູ້​ແລະ​​ເບິ່ງມຸມມອງ​ໃນ​ດ້ານ​ໃຫ່​ມ​ໆ​​​ແລ້ວນຳ​ເອົາ​ສິ່ງ​ທີ່​ໄດ້​ຮຽນ​ມາ​ພັດ​ທະ​ນາ​ຊຸມ​ຊົນ​ແລະ​ປະ​ເທດ​ຂອງ​ໂຕ​ເອງ​.

3. ຂັ້ນຕອນການສະຫມັກທຶນYSEALI ຂອງປີກາຍນີ້ເປັນເເນວໃດ?

ສຳ​ລັບ​ຂັ້ນ​ຕອນ​ການ​ສະ​ໝັກ​ກໍ່​ຄືຜູ້​ສະ​ໝັກ​ຕ້ອງ​ສະ​ໝັກ​ເປັນ​ສະ​ມາ​ຊິກ​ຂອງYSEALI ກ່ອນຈຶ່ງ​ຈະ​ສະ​ໝັກ​ທຶນYSEALI ໄດ້​ໂດຍເຂົ້າ​ໄປ​ທີ່website ຂອງYSEALI ​ແລ້ວຕື່ມ​ຂໍ້​ມູນ​ການ​ສະ​ໝັກ. ຫລັງ​ຈາກ​ສຳ​ເລັດ​ການ​ສະ​ໝັກ​ເປັນສະ​ມາ​ຊິກ​ແລ້ວ​ກໍ່​ສາ​ມາດ​ເລີ່ມ​ສະ​ໝັກ​ທຶນYSEALI ໄດ້​ເລີຍເຊິ່ງ​ຂັ້ນ​ຕອນ​ການ​ສະ​ມັກ​ທຶນYSEALI ມີ​ຄື: Download ໃບ​ສະ​ມັກ​ແລ້ວfill ຂໍ້​ມູນ​ໂຕ​ເອງ​ໃສ່, ຂຽນEssay ປະ​ມານ500 ຄຳແລ້ວ​ສົ່ງ​ໄປ​ຕາມEmail ທີ່provided.

 ( ເຈົ້າຄິດວ່າເຄັດລັບໃນການການຂຽນຟອມສໍາລັບເຈົ້າ ເຈົ້າເອົາກົນລະຍຸດໃດໄປໃຊ້ຈຶ່ງສາມາດໂນ້ມນ້າວຈິດໃຈກໍາມະການໃຫ້ຕ້ອງເລືອກເຮົາ)        

ສ່ວນ​ໂຕ​ແລ້ວ​ຄິດ​ວ່າ​ການ​ຂຽນ​ຟອມ​ສິ່ງ​ທີ່​ສຳ​ຄັນ​ແມ່ນເຮົາ​ຕ້ອງ​ປະ​ກອບເອ​ກະ​ສານ​ທຸກ​ຢ່າງ​ໃຫ້​ຄົບ​ຕາມ​ທີ່​ເພິ່ນ​ຕ້ອງ​ການແລ້ວ​ໃນ​ການ​ຂຽນEssay ສຳ​ລັບ​ຕົວ​ພະ​ເຈົ້າ​ເອງເວ​ລາ​ທີ່​ຂຽນ​ດ້ວຍ​ຕົວ​ເອງ​ອອກ​ມາ​ແລ້ວຈະ​ເອົາ​ໄປ​ໃຫ້​ຫມູ່​ຫລື​ອາ​ຈານ​ອ່ານ​ກ່ອນຖ້າ​ຫາກວ່າ​ມີ​ຄຳ​ຕິ​ຊົມ​ກໍ່​ນຳ​ເອົາ​ກັບ​ຄືນ​ມາ​ແກ້​ໄຂເພາະ​ຄິດ​ວ່າ​ວິ​ທີ​ການ​ທີ່​ເຮົາ​ເອົາ​ໄປ​ໃຫ້​ຄົນ​ອື່ນ​ອ່ານ​ມັນ​ເປັນ​ເລື່ອງ​ດີຖ້າ​ຫາກວ່າ​ຄົນ​ອື່ນ​ອ່ານ​ເຂົ້າ​ໃຈສະ​ແດງ​ຄົນ​ທີ່​ເຮົາ​ຈະ​ສົ່ງ​ໄປ​ໃຫ້​ກໍ່​ຈະ​ເຂົ້າ​ໃຈ​ສິ່ງ​ທີ່​ເຮົາ​ຕ້ອງ​ການ​ທີ່​ຈະ​ສື່​ເຖິງ​ຄື​ກັນ.

(ການສໍາພາດ: ເລົ່າຄວາມຮູ້ສຶກ, ບັນຍາກາດ ເວລາສໍາພາດ ສໍາລັບຕົນເອງເອົາເຄັດບໍ່ລັບໂຕໃດໄປມັດໃຈກໍາມະກາ )

ໃນ​ຫ້ອງ​ສຳ​ພາດແນ່ນອນ​ເລີຍ​ວ່າ​ຄວາມ​ຕື່ນ​ເຕັ້ນ​​ຕ້ອງມາແຕ່​ກໍ່​ພະ​ຍາ​ຍາມບອກ​ໂຕ​ເອງວ່າ​ເຮັດ​ໃຫ້​ດີ​ທີ່​ສຸດ​ແລ້ວ​ຕັ້ງ​ສະ​ມາ​ທິ555 . ສຳ​ລັບ​ສິ່ງ​ຕົນ​ເອງ​ຄິດ​ວ່າ​ເປັນສິ່ງ​ທີ່​ມັດ​ໃຈ​ກຳ​ມະ​ການ​ກໍ່​ຄືຮອຍ​ຍິ້ມແລະຄວາມ​ໝັ່ນ​ໃຈ​ໃນ​ເອງເພາະ​ວ່າ​ໃນ​ການ​ສຳ​ພາດ​ຜູ້​ສຳ​ພາດ​ຈະ​​ເບິ່ງ​ເຖິງ​ພາ​ວະ​ຄວາມ​ເປັນ​ຜູ້​ນຳ, ທັກ​ສະ​ໃນ​ການ​ສື​ສານແລະພິບໄຫວ​ໃນ​ການ​ຕອບ​ຄຳ​ຖາມ​ຕ່າງໆ

4. ການເສັງທຶນນີ້ພາສາອັງກິດຕ້ອງຢູ່ໃນລະດັບໃດ ຕ້ອງເປັນຄົນທີ່ເກັ່ງພາສາເລີຍບໍ່ ຫລື ພໍສື່ສານໄດ້ກໍພໍເເລ້ວ? ຄະເເນນTOEFL ຫລື IELTS ຈໍາເປັນຕ້ອງຕິດຂັດສົ່ງພ້ອມຢູ່ຫວາ?

ຖາມ​ວ່າ​ພາ​ສາ​ອັງ​ກິດ​ຕ້ອງ​ຢູ​ໃນ​ລະ​ດັບ​ໃດເກັ່ງ​ຫລື​ບໍບອກ​ເລິຍ​ວ່າເຖິງ​ແມ່ນ​ເຈົ້າ​ຈະ​ມີ​ໃບ​ປະ​ກາ​ສະ​ນິ​ຍະ​ບັດ  ພາ​ສາ​ອັງ​ກິດ2 ຫລື3 ໃບ​,ເວົ້າ​ພາ​ສາ​ອັງ​ກິດ​ໄດ້​ລ່ຽນ​ໄຫລ​ປານ​ສາຍ​ນ້ຳມາ​ເສັງ​ໂຄງ​ການ​ນີ້​ບໍ່​ໄດ້​ກະ​ມີເຖິງ​ແມ່ນ​ວ່າ​ໂຄງ​ການ​ນີ້​ຕ້ອງ​ໄດ້​ໃຊ້​ອັງ​ກິດ​ເປັນ​ການ​ສື່​ສານແຕ່​ເພິ່ນ​ກໍ່​ບໍ່​ໄດ້​ເລືອກ​ເອົາ​ຄົນ​ທີ່​ເວົ້າ​ພາ​ສາ​ອັງ​ກິດ​ໄດ້​ຢ່າງ​ດຽ​ວເພິ່ນ​ຈະ​ເລືອກ​ເອົາ​ຄົນ​ທີ່​ມີ​ຄວາມ​ເປັນ​ຜູ້​ນຳ​, ມີ​ຄວາມ​ຮູ້​ຄວາມ​ສາ​ມາດ, ຄົນ​ທີ່​ພ້ອມ​ຈະ​ສະ​ຫລະ​ເວ​ລາ​ຕົວ​ເອງ​ໃຫ້​ແກ່​ສ່ວນ​ລວມແລະອີກ​ຢ່າງ​ຕ້ອງມີ​ປະ​ສົບ​ການ​ໃນ​ຫົວ​ຂໍ້​ນັ້ນໆ​. ເຊິ່ງ​ໃນ​ຕອນ​ທີ່​ຂ້າ​ພະ​ເຈົ້າ​ສະ​ມັກ​ແມ່ນ​ຂ້າ​ພະ​ເຈົ້າ​ໃຊ້​ English Transcript Record ຈາກ​ໂຮງຮຽນ​ທີ່​ຕົນ​ເອງ​ຮຽນ​ຢູ່ແທນຄະ​ແນນTOFEL ຫລືIELTS ເພາະ​ວ່າ​ຂ້າ​ພະ​ເຈົ້າ​ຍັງ​ບໍ່​ມີ​ເທື່ອ.

5. ຫລັງຈາກໄດ້ຮັບທຶນນີ້ເເລ້ວກຽມຕົວເເນວໃດກ່ອນຈະໄປປະເທດອາເມລິກາ?

ຫລັງ​ຈາກ​ທີ່​ຮູ້​ວ່າ​ໄດ້​ທຶນ​ນີ້ສິ່ງ​ທີ່​ຂ້າ​ພະ​ເຈົ້າ​ເຮັດ​ກະ​ຄືSearch ຂໍ້​ມູນ​ຕ່າງໆ​ທີ່​ກ່ຽວ​ພັນ​ກັບຫົວ​ຂໍ້Civic engagement ​ຕາມ​ຫ​ນັງ​ສື​ພິມແລະinternet ຕ່າງໆໂດຍ​ສະ​ເພາະ​ແມ່ນ​ປະ​ຫວັດ​ສາດແລະ​ສາຍ​ພົວ​ພັນ​ລະ​ຫວ່າງ​ປະ​ເທດ​ອາ​ເມ​ລິ​ກາ​ກັບ​ປະ​ເທດ​ລາວ.
6. ຕອນໄປຮອດປະເທດອາເມລິກາໃໝ່ໆມີຄວາມຮູ້ສຶກເເນວໃດ? ສິ່ງທີ່ເຮັດໃຫ້ຕົນເອງ Surprise ເເມ່ນຫຍັງ?

ຫລັງ​ຈາກ​ຂີ່​ຍົນ​ເປັນ​ເວ​ລາ​ປະ​ມານ20 ຊົ່ວ​ໂມງໃນ​ທີ່​ສຸດ​ກະ​ມາ​ຮອດ​ປະ​ເທດ​ອາ​ເມ​ລິ​ກາໃນ​ຕ​ອນ​ນັ້ນ​ຂ້າ​ພະ​ເຈົ້າ​ເອງ​ສຶກ​ແປກໆ​ນ້ອຍ​ໜຶ່ງ​ເນື່ອງ​ຈາກ​ເວ​ລາ​ຂອງ​ປະ​ເທດ​ນີ້​ຕ່າງ​ຈາກ​ບ້ານ​ເຮົາແລະຮູ້​ສຶກ​ຕື່ນ​ເຕັ້ນ​ທີ່​ຈະ​ໄດ້​ໄປexplore ປະ​ເທດ​ນີ້​ແບບ​ບໍ່​ຕ້ອງ​ນັ່ງ​ເບິ່ງ​ຢູ່​ຫ​ນ້າ​ຈໍTV ອີກ​ຕໍ່​ໄປ​.ຍິ່ງ​ໄປ​ກວ່າ​ນັ້ນ​ແມ່ນຮູ້​ສຶກ​ດີ​ໃຈ​ທີ່​ໄປ​ໃສ​ກະ​ມີ​ແຕ່​ຄົນ​ເວົ້າ​ພາ​ສາ​ອັງ​ກິດ​ເຊິ່ງ​ເຮົາ​ສາ​ມາດ​ເຝິກ​ທັກ​ສະ​ການ​ຟັງ​ໄປ​ໃນ​ໂຕ. ສ່ວນ​ສິ່ງ​ທີ່​ເຮັດ​ໃຫ້​ຂ້າ​ພະ​ເຈົ້າsurprise ກໍ່​ຄື​

  1. ສະ​ພາບ​ອາ​ກາດ: ເພາະ​ວ່າຕອນ​ທີ່​ຂ້າ​ພະ​ເຈົ້າ​ໄປ​ແມ່ນYSEALI Spring ແລະກ່ອນ​ທີ່​ຈະ​ໄປ​ກະ​ຄິດ​ໄວ້​ວ່າ​ອາ​ກາດ​ເຢັນ​ພໍ​ດີ, ຕົ້ນ​ໄມ້​ຈະ​ຂຽວ​ງາມ​ຕາມ​ພູ​ຜາ​ແລະແມ່​ນ້ຳແຕ່​ຄວາມ​ຈິງ​ກໍ່​ຄືໄປ​ຮອດ​ພຸ້ນໂຄດ​ໜາວ​ແລະ​ບາງ​ມື​ກໍ່ມີ​ຫິ​ມະ​ຕົກ
  2. ຜູ້​ຄົນ: ຕອນ​ຈະ​ບິນ​ຈາກ​ລາວມີ​ຫລາຍ​ຄົນ​ເວົ້າ​ວ່າ​ໄປ​ປະ​ເທດ​ອາ​ເມ​ລິ​ກາ​ໜ້າເຂົາ​ເຈົ້າ​ຈະ​ດູ​ຖູກແລະແບ່ງ​ແຍກ​ຄົນ​ Asia ໃດ​ລະ​ວັງ​ໄວ້​ເດີແຕ່ໄປ​ຮອດ​ຄືຄົນ​ເຂົາ​ເຈົ້າ​ໂຄດFriendly ແລະ​ ຫ​ນ້າ​ຮັກກະ​ເຈົ້າ​ພ້ອມ​ທີ່​ຈະ​ຊ່ວຍ​ເຫລືອ​ເຮົາ​ຕະ​ຫລອດ​ເວ​ລາ​ໂດຍ​ສະ​ເພາະ​ແມ່ນstudent mentor ແລະ
  3. ຮ້ານ​ຄ້າເຊິ່ງ​ຮ້ານ​ຄ້າ​ເກືອບ​ທຸກໆ​ຮ້ານ​ແມ່ນ​ໃຊ້​ຖົງ​ເຈັ້ຍ​ແທນ​ຖົງPlastic ເຊິ່ງ​ເປັນ​ສິ່ງ​ທີ່​ຫາ​ຢາກ​ໃນ​ບ້ານ​ເຮົາ.

7. ການໄດ້ເຂົ້າຮ່ວມໂຄງການ YSEALI ໃນຫົວຂໍ້ນີ້ ເຮັດໃຫ້ຕົນເອງຮຽນຮູ້ຫຍັງເເດ່?

ການ​ທີ່​ເຂົ້າ​ຮ່ວມ​ໃນ​ຫົວ​ຂໍ້Civic Engagement ແມ່ນ​ຈະ​ໄດ້​ຮຽນ​ຫລາຍໆ​ຢ່າງ​ກ່ຽວ​ກັບ​ຊຸມ​ຊົນ​ເຊິ່ງ​ແຕ່​ລະUniversity ຈະ​ບໍ່​ຄື​ກັນເຊິ່ງUniversity ທີ່​ຂ້າ​ພະ​ເຈົ້າ​ໄປ​ຮຽນ​ແມ່ນແມ່ນ​ເຮົາ​ຈະ​ໄດ້ຮຽນ​ ວຽກ​ງານ​ທາງ​ດ້ານ​ສັງ​ຄົມ​, ການ​ເມືອງ, ວັດ​ທະ​ນະ​ທຳແລະປະ​ຫວັດ​ສາດຂອງ​ອາ​ເມ​ລິກາເຊັ່ນ​ວ່າNon-profit organization ກັບGovernment ຂອງ​ປະ​ເທດ​ນີ້ພັດ​ທະ​ນາ​ຊຸມ​ຊົນ​ແນວ​ໃດ.

8. ສິ່ງທີ່ເຮັດໃຫ້ປະທັບໃຈທີ່ສຸດໃນການເຂົ້າຮ່ວມເເມ່ນຫຍັງ?

ສຳ​ລັບ​ພະ​ເຈົ້າ​ເອງ​ກໍ່​ເຄີຍ​ເຂົ້າ​ຮ່ວມ​ຫລາຍໆ​ໂຄງ​ການ​ເຊິ່ງ​ແຕ່​ລະ​ໂຄງ​ການ​ກໍ່​ຈະ​ມີ​ຈຸດ​ເດັ່ນແລະຈຸດ​ຄື​ກັນແຕ່ສຳ​ລັບ​ໂຄງ​ການYSEALI ສິ່ງ​ທີ່​ຂ້າ​ພະ​ເຈົ້າ​ປະ​ທັບ​ໃຈ​ທີ່​ສຸດ​ແມ່ນ​ຄົນ​ອາ​ເມ​ລິ​ກາ​ ເພາະ​ວ່າກະເຈົ້າ​ເປັນ​ຄົນhelpful, courage​, creative ແລະsupportive ບໍ່​ແປກ​ໃຈ​ເລີຍ​ວ່າ​ເປັນ​ຫຍັ​ງ​ປະ​ເທດ​ນີ້​ຈຶ່ງ​ເປັນ​ປະ​ເທດ​ມະ​ຫາ​ອຳ​ນາດ​.
9. ສໍາລັບຕົນເອງມີວິທີການພັດທະນາຕົນເອງເເນວໃດ ໃນດ້ານຂອງພາສາອັງກິດ ເເລະ ມຸມມອງການຄິດຕ່າງໆ?

ໃນ​ດ້ານ​ການ​ຮຽນ​ພາ​ສາ​ອັງ​ກິດຂ້າ​ພະ​ເຈົ້າ​ເອງ​ເປັນ​ຄົນ​ທີ່​ບໍ່​ເຄີຍ​ຮຽນໂຮງ​ຮຽນInter ຄື​ກັນ​ກັບ​ຄົນ​ອື່ນ​ສະ​ນັ້ນ​ຈຶ່ງ​ຕ້ອງ​ໄດ້​ດິ້ນ​ຮົນ​ຫລາຍ​ພໍ​ສົມເຊິ່ງ​ສິ່ງ​ທີ່​ຂ້າ​ພະ​ເຈົ້າ​ເຮັດ​ກໍ່​ຄືເບິ່ງ​ຫ​ນັງ​ທີ່​ເວົ້າ​ພາ​ສາ​ອັງ​ກິດ, ອ່ານ​ປຶ້ມ​ເປັນ​ພາ​ສາ​ອັງ​ກິດ​ເຖິງ​ແມ່ນ​ວ່າ​ບາງ​ຄັ້ງ​ຈະບໍ່​ເຂົ້າ​ໃຈ​ກໍ​ຕາມແລະນອກ​ຈາກ​ນັ້ນຂ້າ​ພະ​ເຈົ້​າກໍ່​ໄດ້​ຮຽນ​ນຳ​ໂຄງ​ການ​ທີ່​ຂ້າ​ພະ​ເຈົ້າ​ໄປexchange ແລະຈາກ​ການ​ເປັນ​ອາ​ສາ​ສະ​ມັກ​ນຳ​ອົງ​ກອນ​ຕ່າງ​ປະ​ເທດເຊັ່ນ​ກັນ​. ສ່ວນ​ມູມມອງ​ການ​ຄິດ​ຕ່າງ​ແມ່ນຮຽນ​ ແລະປັບ​​ປຸງ​ຈາກການ​ເປັນvolunteer, ​ຈາກຜູ້​ຄົນ​ທີ່​ຢູ່ອ​ອ້ມ​ຂ້າງແລະ​ສິ່ງ​ທີ່​ຕົນ​ເອງ​ເຫັນ​ໃນ​ຊີ​ວິດ​ປະ​ຈຳ​ວັນແລ້ວadapt ສິ່ງ​​ເຫລົ່ານັ້ນມາ​ພັດ​ທະ​ນາ​ຕົນ​ເອງ.

10. ຝາກເຖິງນ້ອງໆທີ່ຢາກສະຫມັກທຶນນີ້ເເດ່ວ່າຕ້ອງເຮັດເເນວໃດຈຶ່ງຈະເປັນຜູ້ຖືກເລືອກ
* ບອກຄໍາຄົມເດັດໆທີ່ຢູ່ໃນໃຈຕົນເອງສະເຫມີ

ຄື​ຂ້າ​ພະ​ເຈົ້າ​ເອງ​ກໍບໍ່ໄດ້​ເປັນ​ຄົນ​ເກັ່ງຂ້າ​ພະ​ເຈົ້າ​ສະ​ມັກ​ເທື່ອ​ນີ​ເປັນ​ເທື່ອ​ທີສອງ​ຈຶ່ງ​ໄດ້​ເຂົ້າ​ຮ່ວ​ມໂຄງ​ການ.ສະ​ນັ້ນ​ຢາກ​​ຝາກ​ເຖິງນ້ອງໆ, ອ້າຍໆແລະເອື້ອຍໆທີ່ສະ​ມັກ​ຫລາຍ​ເທື່ອ​ແລ້ວ​ແຕ່​ບໍ​ຜ່ານ​ຈັກ​ເທື່ອຢ່າ​ຍອມ​ແພ້​ເຮົາຕ້ອງ​ມີ​ຄວາມ​ໝັ້ນ​ໃຈ​ໃນ​ໂຕ​ເອງ, ກ້າ​ຄິດ​ກ້າ​ເຮັດບໍ່​ຢ້ານ​ທີ່​ຈະ​ພົບຄວາມ​ລົ້ມ​ເລວ, ​ບໍ່​ຍອມ​ແພ້ຈົນກວ່າຈະໄປເຖິງເປົ້າ​ໝາຍ​ຂອງ​ເຮົາບໍ​ມີ​ໃຜ​ດອກ​ເກີດ​ມາ​ແລ້ວ​ຊິ​ສົມ​ຫັວງ​ທຸກ​ຢ່າງ​​ ຍິ່ງ​ເຮົາ​ລົ້ມ​ຫລາຍ​ເທື່ອ​ເທົ່​າ​ໃດ​ເຮົາ​ຍິ່ງ​ປັບ​ປຸງ​ຕົວ​ເຮົາ​ເອງ​ໄດ້​ຫລາຍ​ຂຶ້ນ​ເທົ່າ​ນັ້ນ. ສຳ​ລັບ​ຕົວຂ້າ​ພະ​ເຈົ້າ​ເອງ, ຂ້າ​ພະ​ເຈົ້າ​ຈະ​ມີ​ຄຳ​ຄົມ​ທີ່​ເຕືອນ​ໃຈ​ຕົວ​ເອງ​ຕະ​ຫລອດ​ວ່າ“ I will succeed no matter what obstacle stand on my way” ສຸດ​ທ້າຍ​ນີ້ຂໍ​ໃຫ້​ທຸກ​ຄົນ​ໂຊກ​ດີ. Best luck!

Link ສະໝັກຢູ່ດ້ານລຸ່ມນີ້ເດີ້

https://m.facebook.com/usembassyvte/photos/a.178392124915.120376.82124194915/10156501643479916/?type=3

 

received_627225727615545received_627224810948970received_627224917615626received_627224857615632

ເເບ່ງປັນໝົດເປືອກ ປະສົບການຈາກທຶນ YSEALI Academic Fellowship ຈາກອາດີດນັກສຶກສາທີ່ໄດ້ເຂົ້າຮ່ວມຢູ່ປະເທດອາເມລິກາ #1

ສະບາຍດີ ກ້າວ່າຫຼາຍໆຄົນຊ້ວງນີ້ກໍາລັງກຽມໂຕຂຽນ Form ຢູ່ແມ່ນບໍ່ ຢາກມີກຳລັງໃຈຂຽນ Form ລະກຽມຕົວອ່ານເລີຍເດີ້ເພາະມື້ນີ້ກ້າມີບົດຄວາມການສໍາພາດຈາກສາວຄົນນີ້ມາເເນະນໍາໃຫ້ອ່ານ ຮັບຮອງເລີຍວ່າຖ້າໄດ້ອ່ານເເລ້ວທ່ານຈະໄດ້ເເຮງບັນດານໃຈໄປເສັງທຶນນີ້ແນ່ນອນ

ໄປອ່ານພ້ອມກັນເລີຍ!

IMG-20180601-WA0031

IMG-20180601-WA0034IMG-20180601-WA0044

1. ເເນະນໍາຕົນເອງ

ຊື່ ສິລິນທອນ ອິນທະວົງ
ຊື່ຫຼິ້ນ  ເປັກກີ້
ເປັນນັກສຶກສາປີທີ3 ຢູ່ມະຫາວິທະຍາໄລເເຫ່ງຊາດ ຄະນະສະຖາປັດຕະຍາກໍາສາດ
ໄດ້ເຂົ້າຮ່ວມໂຄງການ YSEALI Fall 2017  ທີ່ University of Montana

2. ຮູ້ຈັກທຶນ YSEALI ໄດ້ເເນວໃດ? ເເຮງຈູງໃຈທີ່ເຮັດໃຫ້ສະຫມັກທຶນນີ້ເເມ່ນຫຍັງ?

ເປັກກີ້ເອງຮູ້ຈັກທຶນນີ້ ຈາກສະເດັດເເມ່ ທີ່ເພິ່ນໄດ້ໄປເຫັນຢູ່ Facebook ໃນປີ2016. ໃນປີນັ້ນເເມ່ຂອງຕົນກໍບອກລອງໃຫ້ສະໝັກ ເເຕ່ເບິ່ງຈາກເງື່ອນໄຂທີ່ເຂົາເຈົ້າຕ້ອງການ ຮູ້ສຶກຕົນເອງບໍ່ໜ້າຈະລອດ ເພາະມັນໄກຈາກເຮົາຫຼາຍ ປີນັ້ນເລີຍບໍ່ໄດ້ສະໝັກເເຕ່ຕົນເອງໄດ້ໃຊ້ຊ້ວງເວລາປີນັ້ນພັດທະນາຕົນເອງເຕັມທີ່ ເພື່ອຈະໄດ້ເປັນການກຽມຕົວຕົນເອງໃຫ້ມີຄວາມພ້ອມໃນປີ2017. ສະນັ້ນ ໃນປີ2017 ມັນຈຶ່ງເກີດມີຄວາມຄິດທີ່ຢາກລອງສະໝັກ ເພື່ອທີ່ຈະສາມາດກ້າວຜ່ານເອົາຊະນະຄວາມຄິດຕົນເອງກັບຄໍາວ່າ ‘ເຮັດບໍ່ໄດ້’ ປ່ຽນໃຫ້ມັນເປັນຄໍາວ່າ ‘ເຮັດໄດ້.
3. ຂັ້ນຕອນການສະຫມັກທຶນYSEALI ຂອງປີກາຍນີ້ເປັນເເນວໃດ?

ຂັ້ນຕອນການສະໝັກຂອງປີ2017 ເເລະ 2018 ຂ້ອນຂ້າງຄືກັນ ຂຽນຟອມ ສໍາພາດ ປະກອບເອກະສານອື່ນໆທີ່ເຂົາເຈົ້າຕ້ອງການໃຫ້ຄົບ

ເຄັດລັບໃນການການຂຽນຟອມຂອງຕົນເອງ

ພະຍາຍາມຖາມຕົນເອງວ່າເປັນຫຍັງຕ້ອງສະໝັກ ສະໝັກເພື່ອຫຍັງເເທ້ໆ. ຫຼັງຈາກນັ້ນ ເມື່ອໄດ້ຄໍາຕອບເເລ້ວ ພະຍາຍາມເລືອກຄັດສັນຜົນງານ, ປະສົບການທີ່ຄິດວ່າມັນພົ້ນເດັ່ນມາຂຽນໃສ່ເເຕ່ກໍຕ້ອງພະຍາຍາມໃຫ້ມັນກ່ຽວຂ້ອງກັບຫົວຂໍ້ທີ່ຕົນເອງເລືອກ.

ການສໍາພາດ:  ກຽມຕົວເເນວໃດ, ເລົ່າຄວາມຮູ້ສຶກ, ບັນຍາກາດ ຕອນສໍາພາດ ໃຫ້ຟັງເເດ່

ການສໍາພາດປີ2017ເເລ້ວນີ້ເເມ່ນເພິ່ນຈະຕິດຕໍ່ມາຫາເຮົາທາງ Email ເຊິ່ງເພິ່ນຈະເເຈ້ງເຮົາ1ອາທິດ ກ່ອນໄປສໍາພາດ. ເພິ່ນຍັງມີ3ທາງເລືອກໃຫ້ເຮົາໃນການສໍາພາດນໍາອີກເຊັ່ນ
1.ເເບບໂທ
2.ເເບບ Video call
3. ເເບບໂຕຕໍ່ໂຕເລີຍ ຢູ່ທາດດໍາ

ເປັກກີ້ກໍໄດ້ກຽມຕົວເຝິກຢູ່ບ້ານ ຊອກຫາຄໍາຖາມທີ່ຄາດວ່າຈະອອກຊ້ອມຕໍ່ໜ້າເເວ່ນຄົນດຽວ ເເລະກໍອ່ານ Essay ຄືນເພື່ອຈະສາມາດຕອບຄໍາຖາມໄດ້ດີ.
ຮອດມື້ສໍາພາດ ຕົນເອງກໍໄປເເຕ່ເຊົ້າເພື່ອທໍາຄວາມຄຸ້ນເຄີຍກັບບັນຍາກາດ. ບັນຍາກາດກໍຈະໃຫ້ຄວາມຮູ້ສຶກຕື່ນເຕັ້ນ ຕື່ນເຕັ້ນຖືກອ້ອມຮອບດ້ວຍຄົນເກັ່ງມີເເຕ່ໂຕເກັງເລີຍມັນກໍໃຫ້ຄວາມຮູ້ສຶກເເບບຈະລອດຢູ່ບໍ່ນໍ້!ເເຕ່ເມື່ອຮອດທີຕົນເອງເຂົ້າສໍາພາດລະເຮົາກໍເຮັດເຕັມທີ່ທີສຸດພາຍໃນ7ນາທີທີ່ມີຢູ່.
ສໍາຄັນເວລາສໍາພາດ ເປັນທໍາມະຊາດຫຼືເປັນໂຕຂອງໂຕເອງເຂົ້າໄວ້ຈະດີເນາະ.

4. ການເສັງທຶນນີ້ພາສາອັງກິດຕ້ອງຢູ່ໃນລະດັບໃດ? ຄະເເນນTOEFL ຫລື IELTSຈໍາເປັນຕ້ອງຕິດຂັດສົ່ງພ້ອມຢູ່ຫວາ?

ລະດັບພາສາອັງກິດ ຕ້ອງມີພື້ນຖາມເເໜ້ນລະດັບໜຶ່ງ ບໍ່ຈໍາເປັນຕ້ອງເກັ່ງເເທ້ເກັ່ງວ່າ ເເຕ່ຕ້ອງໝັ້ນໃຈວ່າຕົນເອງຈະສາມາດສື່ສານໄດ້ ສໍາຄັນເເມ່ນຕ້ອງສາມາດເອົາຄວາມຮູ້, ບັນຫາຕ່າງໆທີ່ຕົນເອງຢາກຈະເອົາໄປເເລກປ່ຽນບົດຮຽນໃນຫົວຂໍ້ທີຕົນເອງເລືອກຈະດີກວ່າ.
ສໍາລັບຄະເເນນ  TOEFL Or IELTS ມັນເປັນ Optional ເນາະ ໝາຍຄວາມວ່າ ມີກໍໄດ້ບໍ່ທີກໍ່ໄດ້ ເເຕ່ປີກາຍນີ້ຕົນເອງບໍ່ໄດ້ສົ່ງເນາະເພາະບໍ່ມີ 🙂

5. ຫລັງຈາກໄດ້ຮັບທຶນນີ້ເເລ້ວກຽມຕົວເເນວໃດກ່ອນຈະໄປປະເທດອາເມລິກາ?

ຫຼັງຈາກໄດ້ຮັບທຶນເເລ້ວ ເຮົາກໍກຽມຕົວໄດ້ຮັບການຕິດຕໍ່ຈາກມະຫາໄລຢູ່ເມກາເລີຍ ເຊິ່ງທາງມະຫາໄລກໍຈະສົ່ງເອກະສານຈັດເຕັມມາໃຫ້ເຮົາເເບບບໍ່ຕ້ອງກັງວົນເລີຍ ຕົວຢ່າງ ( ກຽມຄວາມຮູ້ເລື່ອງຫົວຂໍ້ທີ່ຕົນເອງເລືອກ, ຄວາມຮູ້ກ່ຽວກັບປະເທດລາວໃນຫລາຍໆດ້ານໃຫ້ເເໜ້ນລະດັບໜຶ່ງ, ກຽມເຄື່ອງໃຊ້ຂອງສອຍຕ່າງໆທີ່ຕົນເອງຈະໃຊ້ຕັ້ງເເຕ່ເກີບ, ເສື້ອ,ກະເປົາພຸ້ນເເຫຼະ) ປະມານນີ້.

6. ຕອນໄປຮອດປະເທດອາເມລິກາໃໝ່ໆມີຄວາມຮູ້ສຶກເເນວໃດ? ເເມ່ນຫຍັງຄືສິ່ງທີ່ເຮັດໃຫ້ຕົນເອງ Surprised?

ຕອນໄປຮອດປະເທດເມກາໃໝ່ໆທໍາອິດມັນກໍໃຫ້ຄວາມຮູ້ສຶກວ່າ ໃນທີ່ສຸດເຮົາກໍໄດ້ມາຮອດເເລ້ວ ປະເທດທີ່ຕົນເອງຢາກມາເເຕ່ຕອນຍັງນ້ອຍ, ເພາະຕອນຍັງນ້ອຍເຄີຍເຫັນເເຕ່ຢູ່ໃນຮູບເງົາເເຕ່ເມື່ອໄດ້ໄປຮອດລະຮູ້ສຶກວ່າ ພະເຈົ້າຝັນມັນກາຍເປັນຈິງ.
# ສິ່ງທີ່ເຮັດໃຫ້ຕົນເອງ Surprised ເເມ່ນການຮຽນຢູ່ນັ້ນຂ້ອນຂ້າງຈະມີລະບົບຫຼາຍເພາະເຖິງເເມ່ນວ່າເຮົາຈະເປັນພຽງເເຕ່ນັກສຶກສາໄປຮຽນໃນໄລຍະສັ້ນເເຕ່ເຂົາເຈົ້າເເມ່ນໄດ້ກະກຽມປຶ້ມຄູ່ມືການຮຽນເເລະການເຮັດກິດຈະກໍາຕ່າງໆໃຫ້ເຮົາລະອຽດທີ່ສຸດຈົນຕົນເອງອຶ້ງ! ໄປເລີຍ.
ຕົວຢ່າງໜ້ອຍໜຶ່ງໃຫ້ເຫັນພາບເນາະ + ມື້ນີ້ເຮົາຈະຮຽນຫົວຂໍ້ຫຍັງ ເນື້ອໃນປະມານໃດ ເຮົາຈະມີບົດຮຽນຫຍັງຈະມາປຶກສາຫາລືກັນ ຮຽນໜ້າທີເທົ່າໃດ….. ຫລັງຈາກນັ້ນເຮົາກໍຈະເອົາຫົວຂໍ້ຕ່າງໆມາລົມກັນ ສະເເດງຄວາມຄິດເຫັນ ເຊິ່ງມັນເປັນການເຝິກໃຫ້ເຮົາໄດ້ກ້າສະເເດງຄວາມຄິດເເລະພັດທະນາຄວາມຄິດເຮົາໄດ້ຫຼາຍຂຶ້ນ ທີ່ສໍາຄັນເເມ່ນອາຈານຢູ່ທີ່ນັ້ນເພິ່ນຈະຮັບຟັງທຸກຄວາມຄິດເຫັນເເລະຍັງບໍ່ຕັດສິນຄວາມຄິດເຮົາອີກ ເຊິ່ງມັນຍິ່ງເປັນສິ່ງທີ່ພັກດັນໃຫ້ເຮົາຢາກພັດທະນາຕົນເອງໄປເລື້ອຍໆ.

7. ການໄດ້ເຂົ້າຮ່ວມໂຄງການ YSEALI ໃນຫົວຂໍ້ນີ້ ເຮັດໃຫ້ຕົນເອງຮຽນຮູ້ຫຍັງເເດ່?

ເປັກກີ້ເອງໄດ້ຮຽນຮູ້ ການທີ່ຈະຢູ່ດ້ວຍຕົນເອງ ເເລະເຮັດໃຫ້ຕົນເອງມີຄວາມຮັບຜິດຊອບຫຼາຍຂຶ້ນ. ອີກຢ່າງໜຶ່ງເນື່ອງຈາກຕົນເອງໄປຫົວຂໍ້ສິ່ງເເວດລ້ອມເລີຍເຮັດໃຫ້ຕົນເອງຮູ້ສຶກວ່າເຮົາຄວນໃສ່ໃຈໂລກຫລາຍກວ່ານີ້, ເຮັດໃຫ້ກັບມາຄິດທົບທວນການກະທໍາຂອງຫລາຍຢ່າງຕົນເອງເເລະຄົນອ້ອມຂ້າງວ່າຄວນລະມັດລະວັງຫຼາຍຂຶ້ນເເລະກໍຍັງຮຽນຮູ້ອີກຫຼາຍໆຢ່າງອີກ

8. ສິ່ງທີ່ເຮັດໃຫ້ປະທັບໃຈທີ່ສຸດໃນການເຂົ້າຮ່ວມເເມ່ນຫຍັງ?

ເນື່ອງຈາກຕົນເອງສົນໃຈເເລະຢາກຮຽນຮູ້ເລື່ອງອາຄານສີຂຽວເຊິ່ງໃນໂຄງການເເມ່ນບໍ່ມີລະບຸໄວ້ວ່າຈະໄດ້ຮຽນ. ສິ່ງທີ່ເຮັດໃຫ້ຕົນເອງປະທັບໃຈໂຄງການກໍຄືການທີ່ມະຫາໄລໄດ້ໃຫ້ເຮົາເຮັດSurveyເຊິ່ງທຸກໆທ້າຍອາທິດເພິ່ນຈະໃຫ້ເຮົາຂຽນຄວາມຄິດເຫັນວ່າຢາກໃຫ້ປັບປຸງຫຍັງ, ຢາກຮຽນຫຍັງເພີ່ມ. ຕົນເອງກໍໄດ້ຂຽນລົງໃນເຈ້ຍສະເໜີໄປວ່າຢາກຮຽນເລື່ອງອາຄາສີຂຽວ ເຮົາກໍບໍ່ຄິດດອກວ່າມັນຈະປາກົດຜົນເປັນຈິງ ຄືວ່າທາງມະຫາໄລໄດ້ເຊີນນັກສະຖາປະນິກຊື່ດັງຂອງເມືອງທີ່ຕົນເອງໄປຢູ່ມາເລີຍເຮັດໃຫ້ເປັກກີ້ຮູ້ສຶກເປັນກຽດ, ດີໃຈທີ່ເພິ່ນໄດ້ຕ້ອນຮັບເຮົາດີຂະໜາດນີ້ ເຊິ່ງນັກສະຖາປັດຜູ້ນີ້ເພິ່ນໄດ້ພາເຮົາໄປຮຽນຮູ້,ລົງເລິກຕົວຈິງ ເລື່ອງອາຄານສີຂຽວຢູ່ໝູ່ບ້ານໃນເມືອງນັ້ນເຊິ່ງເຮັດໃຫ້ຕົນເອງປະທັບໃຈຫຼາຍໆ.

9. ຈຸດເລີ່ມຕົ້ນທີ່ເຮັດໃຫ້ຕົນເອງເລີ່ມສົນໃຈໃນການຮຽນພາສາອັງກິດເເມ່ນຫຍັງ?

ສ່ວນຕົວເເລ້ວຕອນຍັງນ້ອຍບໍ່ໄດ້ມັກເເລະສົນໃຈພາສາອັງກິດເພາະບໍ່ມີເປົ້າໝາຍບໍ່ຮູ້ຈະຮຽນພາສາອັງກິດໄປເພື່ອຫຍັງ ຮູ້ສຶກວ່າພາສາອັງກິດມັນຍາກເເລະເປັນຄົນຢ້ານຕ່າງປະເທດເພາະຢ້ານເວົ້າຜິດ ຈົນກະທັ້ງໄດ້ໄປຮຽນກັບອາຈານຕ່າງປະເທດຄົນໜຶ່ງທີ່ເພິ່ນໄດ້ປ່ຽນຄວາມຄິດເຮົາເລີຍ ລາວມີຄວາມເຊື່ອໃນໂຕເຮົາວ່າເຮົາເຮັດໄດ້ ເຮົາເລີຍໄດ້ເເຮງບັນດານໃຈຈາກເພິ່ນທີ່ຢາກຈະຮຽນຮູ້,ກ້າສະເເດງອອກ ເເລະ ພະຍາມຍາມພັດທະນາຕົນເອງຍິ່ງຂຶ້ນ. ມັນເລີຍເປັນຈຸດເລີ່ມຕົນທີ່ເຮັດໃຫ້ເຮົາຮູ້ສຶກມັກ, ຢາກສູ້ ຮູ້ສຶກໄດ້ເລີຍວ່າ ກໍາລັງໃຈຈາກຄົນໆໜຶ່ງທີ່ເຊື່ອມັນໃນຕົວເຮົາມັນເຮັດໃຫ້ເຮົາມີກໍາລັງໃຈທີ່ຈະເຮັດສິ່ງໃດໜຶ່ງໃຫ້ປະສົບຜົນສໍາເລັດ.

10. ຝາກເຖິງນ້ອງໆທີ່ຢາກສະຫມັກທຶນນີ້ເເດ່ວ່າຕ້ອງເຮັດເເນວໃດຈຶ່ງຈະເປັນຜູ້ຖືກເລືອກ

ສິ່ງທີ່ຢາກຝາກເຖິງນ້ອງໆແມ່ນ ຢາກໃຫ້ນ້ອງໆຕັ້ງໃຈກຽມຄວາມພ້ອມໃຫ້ດີໆເພາະວ່າຖ້າເປັນຄົນທີ່ຮັບກັບຄວາມເສຍໃຈ,ຄວາມຜິດຫວັງບໍ່ໄດ້ຈະເຮັດໃຫ້ເຮົາຍອມແພ້ໄປຕັ້ງແຕ່ຕົ້ນ, ດັ່ງນັ້ນເພື່ອບໍ່ຢາກໃຫ້ຕົນເອງເສຍໃຈ,ຕ້ອງກຽມໂຕໃຫ້ດີ, ການກຽມໂຕຖືວ່າເຮັດໃຫ້ມີໄຊໄປກວ່າເຄິ່ງ, ແລະ ຄົ້ນຄ້ວາຫຼາຍໆ  ເຮັດຄຸນສົມບັດຂອງຕົນໃຫ້ເປັນໄປຕາມເງື່ອນໄຂທີ່ເຂົາເຈົ້າຕ້ອງການ ແລະ ທີ່ສຳຄັນກວ່າສິ່ງໃດແມ່ນການເປັນໂຕຂອງຕົນເອງ,ຍຶດໝັ້ນໃນຄວາມຄິດຂອງຕົນ ແລະ ສຸດທ້າຍແມ່ນຄວາມຄິດທີ່ຈະພັດທະນາໃຫ້ປະເທດ. ສຳຫຼັບໃຜທີ່ສະໝັກຄັ້ງນີ້ບໍ່ຜ່ານ ບໍ່ເປັນຫຍັງເກັບເອົາຂໍ້ຜິດພາດໃນວັນນີ້ໄປພັດທະນາ ແລ້ວກັບມາພະຍາຍາມອີກຄັ້ງ

*ຄຳເວົ້າທີ່ມັກເຕືອນຕົນເອງເເມ່ນຫຍັງ

ເວລາເຮັດສິ່ງໃດໜຶ່ງໃຫ້ສຳເລັດທຸກຢ່າງເລີ່ມຕົ້ນຈາກຄວາມເຊື່ອໝັ້ນໃນຕົນເອງ

Link ສະໝັກຢູ່ດ້ານລຸ່ມນີ້ເດີ້

https://m.facebook.com/usembassyvte/photos/a.178392124915.120376.82124194915/10156501643479916/?type=3

IMG-20180601-WA0030.jpg

IMG-20180601-WA0035

34198873_1660970710684925_1894031443110133760_n

ຢາກໄປອາເມຣິກາເເບບ Free Free ຕ້ອງເຮັດເເບບນີ້ ນິຫວາ SEAYLP 2017 Alumni ມີຄຳຕອບ

ສະບາຍດີນ້ອງໆມື້ນີ້ກ້າ ມີໜຸ່ມນ້ອຍຄົນຫຼໍ່ທີ່ເຕັມໄປດ້ວຍຄວາມສາມາດໄປໄກເຖິງອາເມຣິກາມາເເນະນໍາໃຫ້ຮູ້ຈັກຮັບຮອງເລີຍວ່າທ່ານຜູ້ອ່ານທັງຫລາຍຈະໄດ້ຄວາມຮູ້ເເຖມເເຮງບັນດານໃຈອີກດ້ວຍ.

ຖ້າພ້ອມເເລ້ວກຽມຕົວເລີຍ! Let’s Read!

25675210_1560219247394923_1924926095_n26027037_1560219260728255_2070106665_o26037277_1560219240728257_63761315_o26056606_1560219250728256_788684108_n

 

ເເນະນໍາຕົນເອງ

ສະບາຍດີ! ນ້ອງມີຊື່ວ່າ ທ ໜຶ່ງລືໄທ ຈະເລີນຜົນ ຫຼື ໜຶ່ງ ອາຍຸ 16 ປີ. ປັດຈຸບັນກໍາລັງສຶກສາຢູ່ທີ່ ຮຮ ມສວຽງຈັນ ປີທີ 7 ຫຼືວ່າ ມ7.  ໜຶ່ງເປັນອາດີດນັກສຶກສາທີ່ເຄີຍໄດ້ເຂົ້າຮ່ວມໂຄງການ SEAYLP 2017 ຢູ່ທີ່ປະເທດອາເມຣິກາ.

ຮູ້ຈັກທຶນ SEAYLP ໄດ້ເເນວໃດ? ເເຮງຈູງໃຈໃນການສະຫມັກທຶນນີ້ເດ? (ສະຫມັກເທື່ອທໍາອິດເລີຍຫວາ)

ນ້ອງຮູ້ຈັກທຶນນີ້ຜ່ານ Facebook, ນ້ອງລອງຄລິກເຂົ້າໄປເບິ່ງເລີຍເຫັນວ່າມັນຫນ້າສົນໃຈຫຼາຍ ອີກຍັງ eligibility(ເງື່ອນໄຂ) ຂອງໂປຣແກຣມກົງກັບເຮົາ ເລີຍລອງສະຫມັກເບິ່ງ. ເທື່ອນີ້ເເມ່ນການສະມັກຄັ້ງທຳອິດຂອງນ້ອງ ເເລະ ເເຮງຈູງໃຈຂອງນ້ອງເເມ່ນປະເທດອາເມກາເປັນປະເທດໃນຝັນຂອງນ້ອງ ເເລະ ນ້ອງກໍມີຄວາມສົນໃຈໃນ ໂປຣແກຣມເພີ່ນນໍາ ເລີຍເຮັດໃຫ້ນ້ອງມີຄວາມກະຕືລືລົ້ນຍາດຊິງທຶນນີ້ໃຫ້ໄດ້.

ຂໍ້ມູນໂດຍຫຍໍ້ SEAYLPເປັນເເນວໃດ?

ໂປຣເເກຣມ SEAYLP ເປັນໂປຣແກຣມທີ່ຮວບຮວມເອົານັກຮຽກ ມ ປາຍຈາກ 10 ປະເທດອາຊຽນມາຮຽນ ເເລະ ຝຶກຝົນຕົນເອງໃນຫຼາຍໆດ້ານຢູ່ທີ່ອາເມກາເປັນເວລາ 3 ອາທິດ.

ຂັ້ນຕອນການສອບເສັງ (ບອກໂດຍຫຍໍ້ເສັງເປັນປະມານໃດ ຮອບສໍາພາດເດ)

ຂັ້ນຕອນການສອບເສັງເເມ່ນມີ 3 ຂັ້ນນຕອນ.

  • ທໍາອິດເເມ່ນໃຫ້ຂຽນຟອມ ເເລະ ກຽມເອກະສານໃຫ້ຄົບ (ຕອບຄໍາຖາມໃຫ້ຄົບ)
  • ຫລັງຈາກນັ້ນເເມ່ນຈະມີການເສັງຂຽນ (ໄວຍະກອນອັງກິດປະມານ Basic TOEFL)
  • ຖ້າໃຜສາມາດຜ່ານຮອບເສັງຂຽນ(Screening Test) ແລ້ວ ຕໍ່ໄປກໍຈະໄດ້ເຂົ້າສໍາພາດເພື່ອເລືອກເອົາຜູ້ເຂົ້າຮ່ວມຕົວຈິງເລີຍ. ສໍາລັບການສຳພາດ ໜຶ່ງເອງເເມ່ນໄດ້ຖືກຖາມຕາມ Form ເເລະກໍຖືກຖາມຄຳຖາມທົ່ວໄປກ່ຽວກັບໂຕໜຶ່ງເອງ.

ນ້ອງໄດ້ກຽມຕົວເເນວໃດກ່ອນໄປປະເທດອາເມຣິກາເມກາ?

ການກຽມຕົວກ່ອນການເດີນທາງຂອງນ້ອງເເມ່ນໄດ້ກຽມເອກະສານ ເເລະ ການສະແດງບົດຟ້ອນເຜີຍແຜ່ວັດທະນະທຳລາວ, ພ້ອມທັງໄດ້ຕັດເຄື່ອງນຸ່ງໃຫ້ຄືກັນເພື່ອຄວາມເປັນລະບຽບຮຽບຮ້ອຍເເລະສວຍງາມ. (ຂໍ້ແນະນໍາອີກວ່າໃຫ້ກຽມເຄື່ອງຫນາວ,ເເມມໃນໂທລະສັບ ຫຼື ກ້ອງໄວ້ຫຼາຍໆ.)

ຕອນໄປຮອດເມກາໄດ້ເຮັດກິດຈະກໍາຫຍັງເເດ່?

ເເມ່ນໄດ້ເຮັດກິດຈະກໍາຫຼາຍໆຢ່າງບໍ່ວ່າຈະເປັນ sessions (ທາງດ້ານຄວາມເປັນຜູ້ນໍາ, ບໍລິຫານເວລາ…),

ໃຊ້ຊີວິດກັບຄອບຄົວຄົນອາເມຣິກາ, ເເລະ ຍັງໄດ້ທ່ອງທ່ຽວສະຖານທີ່ສໍາຄັນຕ່າງໆໃ  ຫຼາຍອີ່ຫຼີຢາກຮູ້ຕ້ອງສະໝັກເດີ້

ນ້ອງໄດ້ຮຽນຮູ້ຫຍັງເເດ່ຈາກໂຄງການນີ້?

ສໍາລັບນ້ອງເອງ, ນ້ອງໄດ້ຫຼາຍຢ່າງສຸດໆກັບບ້ານຈາກໂປຣເເກຣມນີ້. ມັນເຮັດໃຫ້ນ້ອງໄດ້ເປີດກ້ວາງກັບສິ່ງໃຫມ່ໆຫຼາຍໆຢ່າງ, ໄດ້ເຫັນມຸມມອງທີ່ເເຕກຕ່າງຈາກຄົນຕ່າງປະເທດ, ໄດ້ທ່ອງທ່ຽວ, ທີ່ສໍາຄັນເເມ່ນໄດ້ມິດຕະພາບທີ່ດີຈາກນັກຮຽນປະເທດອື່ນ, Host family ເເລະ staff ຂອງໂປຣແກຣມອີກດ້ວຍ, ນອກນັ້ນ ບົດຮຽນທີ່ສໍາຄັນຫລາຍໆຢ່າງທີ່ນ້ອງໄດ້ຮຽນຮູ້ນີ້ເເມ່ນສາມາດນໍາມາໃຊ້ໄດ້ໃນຊີວິດຈິງໄດ້ຢ່າງເກີດປະໂຫຍດຫຼາຍ.

ມີອີກເລື່ອງໜຶ່ງທີ່ໜຶ່ງຢາກບອກຄືວ່າ ຄົນອາເມຣິກາມີການດໍາລົງຊີວິດທີ່ລຽບງ່າຍ ແລະ ປະເທດເມກາເປັນປະເທດເສລີທຸກຄົນມີສິດຄືກັນຫມົດ ເເລະ ທຸກຄົນກໍເປັນຫມູ່ກັນໄດ້ບໍ່ວ່າຈະແຕກຕ່າງທາງດ້ານອາຍຸ,ຊົນຊັ້ນ,ວັນນະ,ສີຜິວ.

Project ທີ່ນ້ອງໄດ້ເຮັດຫລັງກັບມາລາວເເມ່ນproject ຫຍັງ? ເປັນໂຄງການເເນວໃດ?

ໂປຣເຈກທີ່ທີມນ້ອງໄດ້ເຮັດຫລັງຈາກກັບມາມີຊື່ວ່າ ໂປຣເຈກເຫັກຊາກຣີນ (HexaGreen) ເຊິ່ງມຸ່ງເນັ້ນໃສ່ສິ່ງເເວດລ້ອມ ເເລະ ການສຶກສາ ການພັດທະນາຊຸມຊົນໃນປະເທດຂອງເຮົາ. ເເລະທີ່ຜ່ານມາກໍໄດ້ເຮັດໂປຣເຈັກໄປເເລ້ວ 2 ເທື່ອນໍາກັນ.

ເປົ້າຫມາຍໃນຊີວິດທີ່ນ້ອງຢາກຈະປະສົບຜົນສໍາເລັດເເມ່ນຫຍັງ?

ເປົ້າຫມາຍໃນຊີວິດຂອງນ້ອງເເມ່ນໄດ້ເປັນນັກການທູດທີ່ປະສົບຜົນສໍາເລັດ ເເລະ ມີຄວາມສຸກກັບຊີວິດ. ອີກຢ່າງຢາກຈະພັດທະນາປະເທດລາວໃຫ້ດີຂຶ້ນໃນຫລາຍໆດ້ານເລື່ອຍໆໄປ.

ຄໍາຄົມທີ່ນ້ອງມັກເເມ່ນຫຍັງ?

ການຮຽນບໍ່ມີວັນຈົບ ຫຼຸມຝັງສົບຄືຈຸດຈົບຂອງການຮຽນ.

ສຸດທ້າຍເເລ້ວຝາກເຖິງນັກອ່ານຫລືຄົນທີ່ກໍາລັງຈະສະໝັກທຶນນີ້ເເດ່?

ຢາກຝາກເຖິງນັກອ່ານທຸກທ່ານ ໃຫ້ເຂົ້າມາສະຫມັກທຶນ SEAYLP ນີ້ຫລາຍໆເພາະມັນຈະເປັນຊ່ວງເວລາ 1 ທີ່ດີທີ່ສຸດສໍາລັບເຈົ້າເລີຍ! ເເລະຍັງຢາກຝາກເຖິງຫມູ່ໆທີ່ຍັງລັງເລວ່າຈະເຮັດຫຼືບໍ່ເຮັດດີ ລອງເບິ່ງໂລດເດີ້ ບໍ່ຕ້ອງຟັງສິ່ງທີ່ເປັນດ້ານລົບຈາກໃຜ, ໃຫ້ເຊື່ອຫມັ້ນໃນຕົວເອງ, ບໍ່ມີຫຍັງຢາກຖ້າເຮົາພະຍາຍາມເຮັດມັນຈົນເຖິງທີ່ສຸດ.

ຂອບໃຈຫຼາຍໆ ຈາກ SEAYLP ALUMNI 2017

 

ຂໍ້ມູນເພີ່ມຕື່ມດ້ານລຸ່ມນີ້ເດີ້

https://la.usembassy.gov/education-culture/scholarships/southeastasiayouthleadershipprogram/

The application for secondary school students is available here.

ສ້າງຮູບເງົາເລື່ອງສັ້ນ3ນາທີພິຊິດທຶນໄປປະເທດຍີ່ປຸ່ນ ( ໄປHokkaidouພຸ້ນເດີ້)

 

20196489_1352201834898281_2031626041_o

ຂໍ້ມູນເພີ່ມຕື່ມກົດ Link ດ້ານລຸ່ມນີ້ເລີຍ (ມີຕົວຢ່າງຮູບເງົາພ້ອມ)

http://asianfilm.chu.jp/info_en.html

ສໍາລັບນ້ອງໆຄົນໃດຢາກຮູ້ວ່າການໄດ້ເຂົ້າໂຄງການນີ້ມ່ວນຂະໜາດໃດເເລະຢາກສໍາພັດບັນຍາກາດກ່ອນຈະໄປກົດເບິ່ງVideoລຸ່ມນີ້ເລີຍ 

ຫມາຍເຫດ: ເບິ່ງໃຫ້ຈົບເດີ້ມີ surprise 

 

 

Review ທຶນ ASEAN Scholarship ໄປຮຽນຕໍ່ທີ່ປະເທດສິງກະໂປ ຈາກນັກຮຽນທີ່ຫາກໍ່ໄດ້ຮັບທຶນປີລ່າສຸດ

 

ສະບາຍດີນັກອ່ານທຸກຄົນ ກ້າເຊື່ອວ່າຫລາຍຄົນກໍອາດຈະເຄີຍໄດ້ຍິນທຶນ ASEAN Scholarship ແຕ່ອາດຈະບໍ່ເຄີຍໄດ້ອ່ານບົດ Review ຈາກຄົນລາວດ້ວຍກັນທີ່ໄດ້ທຶນນີ້ມາກ່ອນ

ພໍດີກ້າມີໂອກາດໄດ້ສໍາພາດນ້ອງຄົນນີ້ທີ່ໄດ້ທຶນASEAN Scholarship2016 ໄປຮຽນຕໍ່ທີ່ປະເທດສິງກະໂປ ບອກເລີຍວ່ານ້ອງເພິ່ນບໍ່ທຳມະດາອີ່ຫຼີເອົາເປັນວ່າໄປອ່ານບົດສໍາພາດຂອງນ້ອງເພິ່ນພ້ອມກັນເລີຍດີກວ່າ

ເເນະນໍາຕົນເອງ

19401259_1319158004866199_2146898731_o.jpg

ສະບາຍດີ ຂ້ອຍຊື່ວ່າ ສຸລິນທອງ ສັນຍາແດງ ຫຼື ເອີ້ນສັ້ນໆວ່າ ຊິດນີ້ກະໄດ້, ຂ້ອຍໄດ້ທຶນ ASEAN Scholarship 2016 ຕອນນີ້ສຶກສາຢູ່ Temasek Secondary School,ຊັ້ນ Secondary three ຢູ່ປະເທດສິງກະໂປ, ກ່ອນຂ້ອຍຈະໄດ້ທຶນນີ້ແມ່ນໄດ້ສຶກສາຢູ່ ມັດທະຍົມສົມບູນ ຮຸ່ງເຮືອງ ຢູ່ຊັ້ນປີທີ 6.

 ຂໍ້ມູນທຶນ ASEAN scholarship ໂດຍຫຍໍ້ (ເອົາຄົນລາວຈັກຄົນ)

ມື້ນີ້ຈະມາເລົ່າປະສົບການຂອງການເສັງເອົາທຶນ ASEAN Schorlaship ທຶນໂຕນີ້ມີຊື່ເຕັມໆກະຄື

ASEAN Schorlaship Nurturing Young Minds ໂດຍທຶນນີ້ຈະອອກມາເກືອບທຸກປີ ເພື່ອເປັນການເປີດໂອກາດໃຫ້ນ້ອງນັກຮຽນມໍປາຍຢູ່ພາຍໃນປະເທດອາຊຽນໄດ້ລອງເຂົ້າມາສະມັກແລະຫາໂອກາດໃນການໄປຮຽນຢູ່ປະເທດສິງກະໂປເປັນໄລຍະເວລາ 4 ປີ.

ເປັນທຶນການສຶກສາເພື່ອໃຫ້ນ້ອງນັກຮຽນທີ່ມີຄວາມສາມາດໄດ້ໄປສຶກສາຮຳ່ຮຽນ grade9-12 ທີ່ປະເທດສິງກະໂປໂດຍທຽບກັບ ມໍ4-7 ຢູ່ລາວ ໂດຍຈະໄດ້ສອບເສັງ O level ຫຼັງຈາກ 2 ປີທຳອິດ ແລະ A level ຫຼັງຈາກຈົບ 2 ປີສຸດທ້າຍ ໂດຍໄປປະກາດທີ່ໄດ້ຈາກການສອບເສັງ 2 ຄັ້ງນີ້ ແມ່ນໄປປະກາດລະດັບສາກົນເລີຍທີ່ສາມາດຍື່ນຮຽນຕໍ່ຢູ່ໃສກໍໄດ້ໃນໂລກ.

ຈຳນວນຄົນທີ່ເພິ່ນເລືອກກະບໍ່ຈຳກັດພຽງແຕ່ເຮົາສາມາດສອບເສັງຜ່ານຄາດໝາຍຂອງເພິ່ນກໍມີໂອກາດເປັນໜຶ່ງໃນນັກຮຽນທຶນແລ້ວ.

ຂັ້ນຕອນການສະຫມັກ (ເວົ້າລາຍລະອຽດໂດຍຫຍໍ້ຂອງເເຕ່ລະຂັ້ນຕອນການເສັງຈາກປະສົບການຂອງນ້ອງ)

ການສະມັກເສັງທຶນນີ້ເຮົາສາມາດສະມັກຜ່ານທາງ online ຫຼື ເຮົາສາມາດຮັບເອົາຟອມຢູ່ສະຖານທູດສິງກະໂປ ແລະ ເຮົາຕ້ອງໄດ້ກຽມເອກະສານຕິດຄັດພ້ອມສົ່ງກັບແບບຟອມນຳ(ສຳລັບຄົນທີ່ສະມັກ online ກໍຕ້ອງໄດ້ສົ່ງເອກະສານຕິດຄັດແບບ hard copy ໃຫ້ກັບສະຖານທູດເຊັ່ນດຽວກັນ)                                                                                     ເອກະສານຕິດຄັດທີ່ສຳຄັນກະລວມມີໃບຄະແນນສະເລ່ຍການຮຽນ 2-3 ປີຫລັງຂອງເຮົາ (ຕົວຢ່າງ ໃຜທີ່ຮຽນຢູ່ມໍ5 ກໍ່ຕ້ອງຂໍໃບຄະແນນຜົນການຮຽນ ມໍ3 ແລ ມໍ4), ໃບແຈ້ງເກີດ, photocopy ຂອງ passport ເປັນຕົ້ນ

(ໝາຍເຫດ: ເອກະສານທຸກອັນຕ້ອງມີທັງພາສາລາວແລະພາສາອັງກິດ)

ຫຼັງຈາກຜ່ານການຂຽນຟອມແລ້ວເພິ່ນຈະຕິດຕໍ່ເຮົາເພື່ອໄປສອບເສັງຂຽນເຊິ່ງລວມມີເສັງ

1. General Ability.                                                                                                                                                      ແມ່ນເຮົາຈະໄດ້ເສັງທົດສອບIQ, ເລກປິດສະໜາ ເປັນຄຳຖາມປາລະໄນ                                                                              2. ຄະນິດສາດ ແລະ ພາສາອັງກິດ.                                                                                                                          ເສັງຄະນິດສາດ ແມ່ນເຮົາຈະໄດ້ເສັງຕັ້ງແຕ່ການແກ້ສົມຜົນທຳມະດາຈົນຮອດການຄິດໄລ່ເລຂາຄະນິດຕ່າງໆສະຫຼຸບກະຄືຕັ້ງແຕ່ພື້ນຖານຈົນຮອດທີ່ເຮົາສຶກສາຢູ່ປັດຈຸບັນ.                                                                                                       ສຳລັບພາສາອັງກິດ ແມ່ນຈະມີທັງແບບປາລະໄນໃຫ້ເລືອກການໃຊ້ຄຳສັບ, Grammar ແລະການຂຽນບົດຄວາມເຊິ່ງເພິ່ນຈະອອກຫົວຂໍ້ໃຫ້ເຮົາມາເລືອກປະມານ3ຫົວຂໍ້                                                                                                    ສະຫຼຸບຄືເວລາຂອງການສອບເສັງທັງໝົດກະໝົດມື້ໜຶ່ງແຕ່ຕາຕະລາງເສັງແມ່ນເພິ່ນຈະແຈ້ງໃຫ້ຊາບ                            ສ່ວນສະຖານທີ່ສອບເສັງຢູ່ສະຖານທູດສິງກະໂປ. ສຳຫຼັບນັກຮຽນທີ່ຢູ່ຕ່າງແຂວງກໍຕ້ອງໄດ້ມາເຊັ່ນດຽວກັນ

ສຳລັບເສັງສຳພາດ

ແມ່ນເຮົາຈະໄດ້ຖືກສຳພາດແບບດ່ຽວກັບຜູ້ໃຫ້ສຳພາດ(ທີ່ອາດຈະມີຫຼາຍກວ່າ 1ຄົນ) ຄຳຖາມໃນການສຳພາດສ່ວນຫຼາຍແມ່ນຈະເນັ້ນກ່ຽວກັບໂຕເຮົາເອງເຊັ່ນ:ຜ່ານມາເຄີຍເຮັດກິດຈະກຳຫຍັງແດ່ຢູ່ໂຮງຮຽນ? ຄິດວ່າບົດສອບເສັງທີ່ເຂົາເອົາໃຫ້ຍາກບໍ່? ເວລາວ່າງເຮັດຫຍັງແດ່?

ຄຳຖາມເລົ່ານີ້ອາດຈະຟັງທຳມະດາແຕ່ມັນສາມາດບົ່ງບອກເຖິງໂຕຕົນຂອງເຮົາໄດ້ຜ່ານວິທີເວົ້າແລະການຕອບຄຳຖາມສະນັ້ນຂໍແນະນຳໃຫ້ຕອບຢ່າງໝັ້ນໃຈແລະເປັນໂຕຂອງໂຕເອງທີ່ສຸດເວລາຕອບ      

ການໄປຮຽນຢູ່ສິງກະໂປເປັນເເນວໃດ? ປັບໂຕຍາກບໍ່?

ການໄປຮຽນຕໍ່ສິງກະໂປບໍ່ແມ່ນເລື່ອງທີ່ງ່າຍເລີຍແຕ່ກະບໍ່ແມ່ນເລື່ອງທີ່ຍາກເກີນຄວາມສາມາດຂອງເຮົາ, ໄປທຳອິດຈະຕ້ອງປັບໂຕກັນຢ່າງໜັກເລີຍທັງເລື່ອງການຮຽນແລະການເປັນຢູ່ເພາະເຮົາຕ້ອງໄດ້ໄປຢູ່ກັບໝູ່ໃໝ່ໆທີ່ມາຈາປະເທດອື່ນແລະທັງການຮຽນຂອງເຮົາກະຕ້ອງຮຽນຢ່າງໜັກເລີຍເພື່ອທີ່ຈະເຮັດໃຫ້ຕົວເອງທັນເຂົາ ຢ່າງທີ່ເຮົາຮູ້ກັນ ລະບົບການສຶກສາຢູ່ປະເທດສິງກະໂປເປັນອັນດັບຕົ້ນໆຂອງໂລກເຊິ່ງຖ້າປຽບທຽບກັບເຮົາແລ້ວເຮົາກໍນຳຫຼັງເຂົາຫຼາຍ ສະນັ້ນເຮົາໃນຖານະທີ່ໄປເປັນໂຕແທນປະເທດກະຕ້ອງເຮັດໃຫ້ດີທີ່ສຸດ. ເຖິງວ່າມັນຈະຍາກ ແຕ່ໃນລະຫວ່າງຄວາມລຳບາກໃນການປັບໂຕຂອງເຮົາ, ເຮົາກໍຈະໄດ້ພົບກັບຄົນໃໝ່ໆທີ່ເປັນກຳລັງໃຈໃຫ້ເຮົາໃນເວລາເຮົາເຮັດຜິດພາດ, ຍິນດີກັບເຮົາເວລາເຮົາປະສົບຜົນສຳເລັດຫຼືເວົ້າງ່າຍໆກະ ຄົນທີ່ຈະຜ່ານທຸກສິ່ງໄປນຳເຮົາຫັ້ນແຫຼະ,ໝູ່ທີ່ຈະເປັນໝູ່ເຮົາໄປຕະຫຼອດຊີວິດ .

ຖ້າໄດ້ທຶນນີ້ເເລ້ວຮຽນຈົບຢູ່ພຸ້ນມີທຶນໃຫ້ຕໍ່ມະຫາໄລບໍ່ຫລືຕ້ອງກັບລາວຊອກຮຽນຕໍ່ເອງ?

ຫຼັງຈາກເຮົາຮຽນຈົບທຶນນີ້ເປັນເວລາ4 ປີລັດຖະບານເພິ່ນຈະບໍ່ມີທຶນຕໍ່ມະຫາວິທະຍາໄລໃຫ້ແຕ່ຖ້າຄະແນນຂອງເຮົາດີຫຼືມີຄວາມສົນໃຈຢາກເສັງເອົາທຶນເຮົາກະມີໂອກາດຄືກັນ

ຖ້າຮຽນຈົບເເລ້ວນ້ອງຢາກຮຽນຕໍ່ຫຍັງ?

ສຳຫຼັບເຮົາຫຼັງຈາກຮຽນຈົບຈາກທຶນນີ້ແລ້ວກະຢາກຮຽນຕໍ່ກ່ຽວກັບ Psychology and Human Development ແຕ່ຫົນທາງກະຍັງອີກຍາວໄກ 555

ສຸພາສິດປະຈໍາໂຕຂອງນ້ອງແມ່ນຫຍັງ

ຄະຕິເຕືອນໃຈປະຈຳໂຕຂອງເຮົາແມ່ນ “In a Gentle Way, You can Shake the World” – Mahatma Gandhi ທີ່ມັກຄຳເວົ້ານີ້ແມ່ນສ່ວນໂຕແລ້ວເປັນຄົນບໍ່ຄ່ອຍເວົ້າຫຼາຍແລະງຽບແຕ່ເຮົາເຊື່ອວ່າຄວາມງຽບຂອງເຮົາສາມາດປ່ຽນໂລກໄດ້ພຽງແຕ່ເຮົາລົງມືເຮັດ

ສຸດທ້າຍຝາກເຖິງນ້ອງໆທີ່ກໍາລັງຈະເສັງທຶນນີ້ເເນ່ ຕ້ອງໃຊ້ສູດຫລືເຄັດລັບຫຍັງຈຶ່ງຈະເປັນຜູ້ຖືກເລືອກ

ສຸດທ້າຍນີ້ກະຢາກບອກນ້ອງໆທີ່ມີຄວາມສົນໃຈມາເສັງທຶນນີ້ວ່າບໍ່ຕ້ອງລັງເລ ໄດ້ລົງມືເຮັດດິກວ່າບໍ່ໄດ້ລອງເລີຍ ປະສົບການນີ້ເປັນປະສົບການທີ່ເງິນລ້າໆຊື້ບໍ່ໄດ້ແລະຢາກໃຫ້ທຸກຄົນເຮັດໃຫ້ເຕັມທີບໍ່ແມ່ນແຕ່ການເສັງຄັ້ງນີ້ແຕ່ເຕັມທີ່ກັບທຸກຢ່າງທີ່ເຮັດໃນຊີວິດ….

Free ທຸກຢ່າງ ໄປຮຽນຕໍ່ທີ່ປະເທດສິງກະໂປ 
ສຳລັບນ້ອງໆທີ່ເກີດໃນລະຫວ່າງປີ 2001-2003, ມີຄວາມສົນໃຈກໍລອງເລີຍບໍ່ລອງບໍ່ຮູ້ໃດ໋  ໂອກາດບໍ່ໄດ້ມີມາຕະຫລອດ ເມື່ອເຮົາມີໂອກາດມີເວລາຕ້ອງໃຊ້ມັນໃຫ້ຄຸ້ມຄ່າເຮົາຈຶ່ງຈະບໍ່ເສຍໃຈ.

30 ມິຖຸນາ 2017 ປິດຮັບສະໝັກ
ກາງເດືອນ ສິງຫາ 2017 ປະກາດຜົນຟອມທີ່ຜ່ານ
ຕົ້ນເດືອນ ກັນຍາ 2017 ມື້ສອບເສັງເອົາທຶນ
ທ້າຍເດືອນ ກັນຍາ 2017 ປະກາດຜົນເສັງ
ທ້າຍເດືອນ ຕຸລາ 2017 ເດີນທາງໄປເລີ່ມຕົ້ນຊີວິດນັກຮຽນສິງກະໂປ

ນີ້ເດີ້ Link ສໍາລັບຂໍ້ມູນເພີ່ມຕື່ມ https://www.moe.gov.sg/admissions/scholarships/asean/lao

ຂໍຂອບໃຈຂໍມູນເພີ່ມຕື່ມຈາກ facebook fanpage: https://www.facebook.com/HappyLaeta/

Bless of luck

 

 

 

Review ຄຳ​ຖາມທີ່ເຄີຍຖືກສຳ​ພາດ​ໃນໂຄງ​ການ​ຊາວ​ໜຸ່ມ​ເດີນ​ທະ​ເລ ອາ​ຊຽນ-ຍີ່​ປຸ່ນ (SSEAYP) ຄັ້ງ​ທີ 43 ປີ 2016 ຈາກລຸ້ນອ້າຍ

18596955_1289723311143002_1322106322_o.jpg

ມື້ອື່ນເເລ້ວທີ່ຫລາຍໆຄົນຈະໄດ້ເສັງຮອບສຳພາດກັບໂຄງ​ການ​ຊາວ​ໜຸ່ມ​ເດີນ​ທະ​ເລ ອາ​ຊຽນ-ຍີ່​ປຸ່ນ ມື້ນີ້ກ້າກໍເລີຍໄປຊອກຂໍ້ມູນສຳພາດ ຕັ້ງເເຕ່ເຊົ້າຈົນຄໍ່າຈາກ Alumni 2016 ມາຝາກ ເອົາເປັນວ່າໄປອ່ານພ້ອມກັນເລີຍເນາະ 

ຈາກປະສົບການໂຕຈິງຂອງຜູ້ຂຽນທີ່ໄດ້ເຂົ້າມາຮອບສຳພາດ ຂອງ ໂຄງການ ຊາວໜຸ່ມເດີນທະເລ ອາຊຽນ-ຍີ່ປຸ່ນ (SSEAYP) ຄັ້ງທີ 43 ປີ 2016. ເຮົາມາເບິ່ງກັນວ່າແນວທາງການສຳພາດຂອງຄະນະກຳມະການວ່າເຂົາມີຄຳຖາມສຳພາດຜູ້ຜ່ານເຂົ້າຮອບສຳພາດມີຄວາມຍາກງ່າຍສໍ່າໃດ.

ການເສັງສຳພາດແມ່ນຈັດຂຶ້ນ ວັນທີ 4 ເປັນວັນ ເສົາ ແລະ ລາຍຊື່ຜູ້ເຂົ້າຮອບສຳພາດນັ້ນແມ່ນວັນ ສຸກ ຫຼື ວັນທີ 3, ນັ້ນໝາຍຄວາມວ່າຜູ້ທີ່ຜ່ານເຂົ້າຮອບສຳພາດຈະມີເວລາກຽມໂຕ ກະກຽມຂໍ້ມູນ ແລະ ຕິວກັນພຽງແຕ່ ມື້ໜຶ່ງ ເທົ່ານັ້ນ ຫຼື ອາດຈະບໍ່ຮອດ, ສຳລັບໃຜທີ່ເປັນພະນັກງານ ຫຼື ຮຽນຈົນຮອດຄ່ຳ. ໂຕນີ້ແມ່ນຈະເວົ້າສະເພາະແຕ່ຄົນທີ່ບໍ່ຄາດຫວັງວ່າໂຕຈະຜ່ານມາຮອດຈຸດນີ້ໄດ້, ແຕ່ສຳລັບຄົນທີ່ຄິດວ່າໂຕຜ່ານມາຮອບນີ້ໄດ້ແມ່ນຄົງກະກຽມໂຕມາດີແລ້ວ. ໃນເລື່ອງຂອງການປະກາດລາຍຊື່ຜູ້ເຂົ້າຮອບກັບມື້ທີ່ສຳພາດນັ້ນ ເຮົາເບິ່ງຄືວ່າມັນເປັນຫຍັງທີທ້າທາຍຫຼາຍເພາະວ່າ ເຮົາຈະກຽມຂໍ້ມູນຫຍັງບໍ່ທັນ ແລະ ຈະຕ້ອງໃຊ້ເວລາຫຼາຍໃນການກະກຽມດັ່ງກ່າວ.

ຜູ້ຜ່ານເຂົ້າຮອບສຳພາດທັງໝົດແມ່ນມີ 62 ຄົນ ຍິງ 35 ແລະ ຊາຍ 27, ເພິ່ນຄັດເອົາ ຍິງ 14 ແລະ ຊາຍ 14, ໂອກາດຂອງຜູ້ທີ່ຈະຖືກເລືອກແມ່ນ 50-50 ມັນເປັນອີ່ຫຍັງທີ່ລຸ້ນຫຼາຍ. ຄະນະກຳມະການເພິ່ນແບ່ງຫ້ອງເສັງອອກເປັນສອງຫ້ອງ ແລະ 2 ພາກ ຄື ພາກເຊົ້າ ແລະ ພາກບ່າຍ.

ໝາຍເຫດ: ແນວທາງຄຳຖາມນີ້ແມ່ນອີງຕາມການສະຫຼຸບສັງລວມຂອງຜູ້ຂຽນເອງສະນັ້ນ ບາງຢ່າງທີ່ເວົ້າໄປມັນອາດຈະຜິດດ່ຽງຈາກຄວາມເປັນຈິງ ແລະ ຄຳຖາມດັ່ງກ່າວນັ້ນແມ່ນໄດ້ຈາກການຖາມຜູ້ທີ່ເຂົ້າໄປສຳພາດແຕ່ລະຄົນ.

ລຳດັບທີ່ສຳພາດຂອງເຮົາແມ່ນລຳດັບທີ 19 ໝາຍຄວາມວ່າເຮົາແມ່ນຜູ້ຮອງທ້າຍສຸດຂອງຂອງພາກເຊົ້າ, ແຕ່ເນື່ອງຈາກວ່າມີຜູ້ໜຶ່ງຢູ່ພາກບາຍ ຢາກປ່ຽນເພາະເພິ່ນຄາວຽກຊ່ວງຕອນບ່າຍສະນັ້ນ ເຮົາຈຶ່ງໄດ້ປ່ຽນກັບລາວ ແລະ ໄດ້ມາເສັງລຳດັບທີ 1 ຂອງພາກບ່າຍແທນ. ຄວາມຮູ້ສຶກຕອນນັ້ນແມ່ນແບບວ່າເຮົາຖ້າຕັ້ງແຕ່ 8 ໂມງ ເຄິ່ງຈົນຮອດ 12 ໂມງຕອນ ສວາຍເພື່ອຖ້າເຂົ້າສຳພາດ, ແຕ່ບໍ່ໄດ້ເຂົ້າສຳພາດຕອນຊ່ວງພາກເຊົ້າ ແລະ ໄດ້ສຳພາດຕອນຊ່ວງພາກສວາຍ. ໝາຍຄວາມວ່າເຮົາໄດ້ຕິດຂອບສະໜາມສຳພາດຕັ້ງແຕ່ຕົ້ນຈົນຈົບເລີຍ. ຈົບນີ້ແມ່ນຈົບເອົາແທ້ເອົາວ່າເພາະຢູ່ຈົນຮອດຄົນສຸດທ້າຍ ຫຼື ຈົນເຂົາກັບບ້ານກັນເລີຍ ຍ້ອນລົມກັບຄົນອື່ນລະມັນປາກ ເຖິງວ່າຕົນເອງສິສຳພາດແລ້ວກໍຕາມ, ແຕ່ມັນກະບໍ່ເຮັດໃຫ້ຢາກກັບເມື່ອຫຼັງຈາກສຳພາດແລ້ວເລີຍ ເພາະວ່າມັນຕື່ນເຕັ້ນດີບ່ອນວ່າເຮົາແລກປ່ຽນໄຫວພິກໃນການຕອບຄຳຖາມຂອງຜູ້ທີ່ເຂົ້າສຳພາດແລ້ວອອກມາ ແລະ ລຸ້ນວ່າເຂົາສິຖືກຫົວຂໍ້ຫຍັງ ແລະ ຄະນະກຳມະການຈະສຳພາດແບບໃດແນ່.

ການສຳພາດຄັ້ງນີ້ເຫັນຫຼາຍຄົນວ່າເຂົາຈະເນັ້ນໃສ່ 8 ຫົວຂໍ້ ເຊິ່ງ 8 ຫົວຂໍ້ນີ້ລ້ວນແລ້ວແຕ່ເປັນຫົວຂໍ້ທີ່ຈະໄດ້ມີການເວົ້າແລກປ່ຽນກັນເມື່ອເວລາທີ່ເຮົາເຂົ້າໄປຮ່ວມໂຄງການໂດຍສະເພາະເວລາທີ່ເຮົາເຮັດກິດຈະກຳຢູ່ເທິງເຮືອ ຫຼື ອອກຄວາມຄິດເຫັນຕ່າງໆ.

8 ຫົວຂໍ້ຫຼັກໆມີດັ່ງນີ້:

  1. Cross Culture Understanding
  2. International Relation
  3. Food and Nutrition
  4. Health Education (HIV/AID) ໃນຫົວຂໍ້ນີ້ສ່ວນຫຼາຍກຳມະການຈະຖາມກ່ຽວກັບ HIV ເຊັ່ນ: ເຮົາຈະມີວິທີປ້ອງກັນການຕິດເຊື້ອ HIV ຈັ່ງໄດ໋, ເຮົາມີຄວາມຄິດແນວໃດຕໍ່ຄົນທີ່ຕິດເຊື້ອ HIV ປະມານນີ້ລະ.
  5. Environment
  6. Youth Enterpeneur
  7. Media
  8. Education
  9. Volunteer* ສ່ວນຫົວຂໍ້ນີ້ກຳມະການຈະຖາມວ່າ ເຮົາເຄີຍເປັນອາສາສະມັກບໍ່? ແລ້ວໃຫ້ເຮົາເລົ່າປະສົບການໃນການເປັນອາສາສະມັກ ແລະ ຄວາມຄິດເຫັນຂອງເຮົາຕໍ່ການເປັນອາສາສະມັກ.
  10. AEC* ໃນຫົວຂໍ້ນີ້ຄຳຖາມກໍຈະອອກແນວແບບວ່າ ຖ້າເຮົາເຂົ້າ AEC ແລ້ວເຮົາຈະມີວິທີການຮັບມືແນວໃດ?

*ບໍ່ມີໃນຫົວຂໍ້ທີ່ຄາດໄວ້ແຕ່ວ່າຈັ່ງໄດ໋ມັນກະກ່ຽວຂ້ອງກັບຫົວຂໍ້ອື່ນໆນຳ.

ຄຳຖາມຫຍັງແນ່ນອກຈາກທີ່ເຮົາຈະຕ້ອງກຽມຄຳຕອບໄວ້ນອກຈາກ 8 ຫົວຂໍ້ຫຼັກແລ້ວ.

  1. ການແນະນຳໂຕເອງ
  2. ຖ້າເຮົາໄດ້ໄປໂຄງການນີ້ແລ້ວກັບມາເຮົາຈະເຮັດຫຍັງ?
  3. ຖ້າເຮົາບໍ່ໄດ້ໄປໂຄງການນີ້, ເຮົາຈະເຮັດຫຍັງຕໍ່ໄປ?
  4. ເປັນຫຍັງຄະນະກຳມະການຈຶ່ງເລືອກເຈົ້າເຂົ້າຮ່ວມໂຄງການນີ້?
  5. ເຈົ້າມີພອນສະຫວັນຫຍັງແນ່?
  6. ເຈົ້າຮູ້ຈັກໂຄງການນີ້ໄດ້ແນວໃດ?
  7. ເຈົ້າເວົ້າໄດ້ຈັກພາສາ?
  8. ເຈົ້າເຄີຍໄປຕ່າງປະເທດບໍ່? ຖ້າເຄີຍໄປຈັກເທື່ອ? ໄປແຕ່ລະຄັ້ງແມ່ນເພື່ອຫຍັງ?
  9. ຊາວໜຸ່ມທີ່ມີການພັດທະນາແລ້ວຈະເປັນແນວໃດ?
  10. ໃນຖານະເຮົາເປັນສະມາຊິກຊາວໜຸ່ມ ເຮົາມີວິທີການແນວໃດໃນການພັດທະນາຕົນເອງ?
  11. ເຮົາມີຄວາມຄິດເຫັນແນວໃດກັບບົດເສັງຂໍ້ຂຽນ?
  12. ກ່ຽວກັບຄອບຄົວ? (ມີຈັກຄົນ, ອາຊີບ)

ສຸດທ້າຍ, ຄວາມຄິດເຫັນສ່ວນຕົວຂອງເຮົາເຫັນວ່າ ແຕ່ລະຄຳຖາມໃນການສຳພາດມັນຈະບໍ່ມີຄຳຕອບຕາຍໂຕສະເໝີໄປ, ສະນັ້ນ ເຮົາບໍ່ສາມາດທີ່ຈະໄປຕອບແບບນົກແກ້ວໄດ້. ທຸກຄຳຕອບລ້ວນແລ້ວແຕ່ໄດ້ຈາກປະສົບການຂອງເຮົາ ແລະ ຄວາມຮູ້ຂອງເຮົາທີ່ມີຢູ່ໃນຕອນນັ້ນ. ສິ່ງສຳຄັນກະຄືຫົວຂໍ້ທີ່ເປັນຄຳຖາມຫຼັກໃຫ້ເຮົາຈົກນັ້ນ ມັນລ້ວນແລ້ວແຕ່ເປັນຄຳຖາມທີ່ໃກ້ໂຕ ແລະ ມັນຍັງເປັນບັນຫາເດັ່ນໆທີ່ເຮົາຈະຕ້ອງໃສ່ໃຈ, ແກ້ໄຂ ແລະ ມີຄວາມຄິດເຫັນຕໍ່ກັບຫົວຂໍ້ນັ້ນໆ. ຢ່າງໜ້ອຍຖ້າເຮົາບໍ່ໄດ້ຫົວຂໍ້ນັ້ນໆແທ້ໆ ເຮົາກໍຈະຕ້ອງມີໄຫວພິກໃນການແຖ ແຕ່ການແຖກະຕ້ອງຢູ່ໃນຂອບເຂດ ບໍ່ແມ່ນວ່າຈະແຖຈົນໄປເລື່ອງໃໝ່.

 

ຂໍຂອບໃຈຂໍ້ມູນດີໆຈາກ: https://www.kongphaly.la/2016/06/12/interview-questions-of-laos-the-ship-for-southeast-asian-and-japanese-youth-program-sseayp-43-2016/#more-5051

Share ປະສົບການດີໆຈາກນັກຮຽນລາວທີ່ໄດ້ທຶນ Mext ລະດັບປະລິນຍາຕີ

(ກະລຸນາອ່ານດ້ວຍນຳ້ສຽງທີ່ສົດໃສ ມີຄວາມສຸກ ຕະຫຼົກເຮຮາ ແລະ ເປັນທາງການໃນບາງບ່ອນ)

(ບົດນີ້ມີທັງພາສາເວົ້າແລະພາສາຂຽນປະປົນກັນຢູ່ ກະລຸນາຊຶມຊັບກັບອາລົມເພື່ອອັດຖະລົດ)

(ອາດຈະຍາວແນ່ ແຕ່ກະອົດທົນອ່ານເດີ້)

ຫົກ ພຶດສະພາ ທີ່ຫ້ອງນ້ອຍໆຂອງຂ້າພະເຈົ້າ

ສະບາຍດີ ທຸກທ່ານທີ່ເຂົ້າມາອ່ານບົດຄວາມນີ້ ມື້ນີ້ພວມໄປຟັງເພິ່ນອະທິບາຍເລື່ອງທຶນ “MEXT” ມາແມ່ນບໍ່? ຂ້າພະເຈົ້າເຄີຍຄິດ “ຢາກໄດ້ທຶນນີ້ເນາະ” ແລ້ວຕອນນີ້ກໍໄດ້ມາແລ້ວ. ຂ້າພະເຈົ້າຊື່…. ບໍ່ບອກດີກວ່າ ຂໍປິດບັງຕົວຕົນ ແຕ່ຖ້າອ່ານສິ່ງທີ່ຂຽນໄປເບິ່ງ ບາງທ່ານກໍອາດຮູ້ໄດ້ວ່າຂ້າພະເຈົ້າແມ່ນໃຜ (ຮູ້ແລ້ວມິດໄວ້ເດີ້ ຈຸຈຸ)

ຕອນນີ້ກຳລັງຮຽນພາສາຍີ່ປຸ່ນຢູ່ທີ່ມະຫາວິທະຍາໄລແຫ່ງໜຶ່ງທີ່ກຸງໂຕກຽວ ເພື່ອກຽມສອບເສັງເຂົ້າຮຽນໃນສາຂາວິຊາ ແລະ ມະຫາວິທະຍາໄລທີ່ຕົນຕ້ອງການໃນປີຕໍ່ໄປ.

ສູນພາສາຍີ່ປຸ່ນ JLC

ໄປຮູ້ທຶນນີ້ມາແຕ່ໃສ? ຊອກຂໍ້ມູນໄດ້ແນວໃດ?

ຂ້າພະເຈົ້າຮູ້ທຶນນີ້ຕັ້ງແຕ່ຕອນທີ່ຮຽນມັດທະຍົມບໍ່ທັນຈົບ ເມື່ອເລີ່ມຮຽນພາສາຍີ່ປຸ່ນຕອນນັ້ນ ໄດ້ອ່ານບົດຄວາມຢູ່ http://www.marumura.com/ (ໂດຍສະເພາະຂອງອາຈານເກດວະດີ) ເກີດອາການມັກ ແລະ ໄດ້ຊອກຖາມນຳອາຈານ “ກູ” ເລີຍເຫັນທຶນນີ້ ຈຶ່ງໄດ້ຕຽມຕົວແຕ່ຕອນນັ້ນເປັນຕົ້ນມາ.

ຂ້າພະເຈົ້າເຂົ້າໃຈຄວາມຮູ້ສຶກຂອງຜູ້ທີ່ຊອກຫາຂໍ້ມູນຂອງທຶນນີ້ເປັນຢ່າງດີ ເພາະກໍໄດ້ຄົ້ນຫາຢ່າງຫຍຸ້ງຍາກມາແລ້ວ ທີ່ຫາເປັນພາສາລາວກໍຫາໄດ້ລຳບາກເຫຼືອເກີນ ເກືອບບໍ່ມີຜູ້ໃດຂຽນໄວ້ເລີຍ(ເທົ່າທີ່ຂ້າພະເຈົ້າຊອກເຫັນ), ນອກຈາກສະຖານທູດຍີ່ປຸ່ນ ແລະ ອາຈານ ທອງຂັນ(ທີ່ພວມອອກສູ່ສາຍຕາມວນຊົນເມື່ອບໍ່ດົນມານີ້). ຖ້າມີກໍເປັນພາສາອັງກິດ ແລະ ພາສາໄທ ແຕ່ກໍຄົງຈະບໍ່ສະດວກເທົ່າໃດ ແລະ ສ່ວນຫຼາຍເປັນຂອງມູນຂອງທຶນລະດັບປະລິນຍາໂທ ແລະ ເອກ ເຮັດໃຫ້ຄົນທີ່ຢາກເສັງທຶນປະລິນຍາຕີ ຫຼື ຊັ້ນສູງຢ່າງພວກເຮົາມີບັນຫາ (ບໍ່ຮູ້ຈະຖາມໃຜ, ບໍ່ຮູ້ຈະໄປຊອກຢູ່ໃສ, ບໍ່ຮູ້ຈະເຮັດແນວໃດ, ອຸກໃຈ ເຮີ…. ຊິໄດ້ໄປບໍ່ນິ) ເລີຍຄິດວ່າຢາກຂຽນຂໍ້ມູນກ່ຽວກັບທຶນລະດັບປະລິນຍາຕີໂດຍສະເພາະທີ່ຄາດວ່າໜ້າຈະເກີດປະໂຫຍດແກ່ຜູ້ທີ່ຫວັງຢາກ ມາຮຽນຢູ່ປະເທດນີ້ ແມ່ນແຕ່ໜ້ອຍໜຶ່ງກໍດີ. ແຕ່ຂ້າພະເຈົ້າກໍບໍ່ໝັ້ນໃຈວ່າຄວນຂຽນຫຍັງດີ ຈຶ່ງຂໍຂຽນໄປກ່ອນ ຖ້າທ່ານຜູ້ອ່ານຢາກຮູ້ອັນ ໃດຕື່ມ ຄ່ອຍສົ່ງມາຖາມເອົາເນາະ.

ຫຍໍ້ໆເລື່ອງທຶນ

ມາເຂົ້າເລື່ອງກັນເຖາະ ເວົ້າເລື່ອງທຶນລັດຖະບານຍີ່ປຸ່ນ ຢູ່ປະເທດເຮົາເພິ່ນເອີ້ນກັນວ່າ “ທຶນ MEXT” (Ministry of Education, Culture, Sports, Science and Technology) ແຕ່ຢູ່ບາງປະເທດກໍເອີ້ນວ່າ “ທຶນມົງ” ຫຍໍ້ມາຈາກ (Monbukagakusho) ເຊິ່ງລ້ວນແຕ່ໝາຍເຖິງກະຊວງສຶກສາທິການຂອງຍີ່ປຸ່ນ ເປັນທຶນທີ່ລັດຖະບານຍີ່ປຸ່ນມອບໃຫ້ກັບປະເທດທີ່ມີສາຍພົວພັນທາງດ້ານການທູດກັບປະເທດຍີ່ປຸ່ນ ໂດຍຜູ້ທີ່ໄດ້ຮັບການຄັດເລືອກຈະໄດ້ຮັບເງິນປະມານ 117,000–140,000ເຢນຍີ່ປຸ່ນຕໍ່ເດືອນ (ຂຶ້ນກັບປະເພດຂອງທຶນ) ແລະ ບໍ່ໄດ້ຈ່າຍຄ່າຮຽນ ຕະຫຼອດໄລຍະທີ່ຮຽນຢູ່. ລັດຖະບານຍີ່ປຸ່ນກຳລັງດຳເນີນໂຄງການເອົານັກຮຽນຕ່າງຊາດມາຮຽນຢູ່ປະເທດຍີ່ປຸ່ນ 300,000 ຄົນ ເຊິ່ງຕອນນີ້ໄດ້ຢູ່ປະມານ 239,000 ຄົນແລ້ວ, ເພິ່ນບໍ່ໄດ້ຮຽກຮ້ອງໃຫ້ເຮົາຊົດໃຊ້ທຶນຄືນແຕ່ຢ່າງໃດ ພຽງແຕ່ຢາກໃຫ້ເຮົາສືບຕໍ່ສ້າງສາຍພົວພັນລະຫວ່າງປະເທດເຮົາແລະຍີ່ປຸ່ນໃຫ້ເຂັ້ມແຂງຂຶ້ນຕໍ່ໆໄປ.

ໃນບົດນີ້, ຂ້າພະເຈົ້າຈະເວົ້າເລື່ອງທຶນປະລິນຍາຕີໂດຍສະເພາະ ແລະ ຂໍໃຫ້ທ່ານມີສະຕິຕະຫຼອດ ເວລາວ່າເຮົາເວົ້າເລື່ອງ “ທຶນປະລິນຍາຕີ” ຢູ່

ບົດເສັງມະຫາໂຫດ

ໃນສ່ວນຂອງການສອບເສັງພາກຂຽນ, ຂ້າພະເຈົ້າຈະບໍ່ອະທິບາຍລະອຽດວ່າເສັງວິຊາໃດແດ່ ເພາະໜ້າຈະໄດ້ຟັງ ຫຼື ໄດ້ອ່ານມາແລ້ວ. ຖ້າປານນີ້ຍັງບໍ່ຮູ້ອີກ ກະບໍ່ເສັງກະໄດ້.​

ຄົນສ່ວນຫຼາຍບໍ່ຜ່ານຮອບນີ້ຍ້ອນ “ຂາດການຕຽມຕົວ.” ຂ້າພະເຈົ້າໃຊ້ເວລາໜຶ່ງປີເຕັມໃນການກະກຽມສອບເສັງທຶນນີ້. ຕັ້ງແຕ່ຕອນທີ່ຢູ່ ມ. 6, ຂ້າພະເຈົ້າໄດ້ຄົ້ນຫາຫົວບົດສອບເສັງໃນແຕ່ລະປີ ແລະ ເຝິກແກ້ມາຢ່າງຫຼວງຫຼາຍ (ຈົນຊິຈື່ໄດ້ໝົດລະນິ). ແຕ່ບັນຫາກໍຄື ນັກຮຽນທີ່ເສັງທຶນນີ້ສ່ວນໃຫຍ່ແມ່ນສະຖານທູດອອກມາປະກາດກ່ອນວ່າ ມີທຶນ, ຈິ່ງຮູ້, ຈິ່ງຄິດຢາກເສັງ ເຮັດໃຫ້ການຊອກຫາບົດເສັງ, ເຂົ້າໃຈວິທີແກ້ໃນເວລາທີ່ຍັງປະມານສອງເດືອນ ແລະ ແກ້ໄດ້ໝົດພາຍໃນໜຶ່ງຊົ່ວໂມງໃນຕອນເສັງນັ້ນ ເກືອບເປັນໄປບໍ່ໄດ້ເລີຍ. ເທົ່ານັ້ນຍັງບໍ່ພໍ ຍັງມີເສັງ “ນິຮົງໂກະ” ?? ແມ່ນຫຍັງນໍບາດນິ (ຄຳນີ້ຊື່ໆຄັນຍັງບໍ່ຮູ້ກະບໍ່ຕ້ອງເສັງດອກ ຮາຮາ ເວົ້າຢອກ) ເສັງພາສາຍີ່ປຸ່ນ!!! “ຕາຍລະ ກະຍ້ອນຢາກຮຽນພາສາຍີ່ປຸ່ນຕວາຈຶ່ງເສັງທຶນນີ້ ແຕ່ພັດມາໃຫ້ເຮົາເສັງພາສາຍີ່ປຸ່ນກ່ອນ ບໍ່ໄຫວຕິ” ແຕ່ຂ້າພະເຈົ້າໂຊກດີທີ່ໄດ້ຮຽນພາສາຍີ່ປຸ່ນມາກ່ອນ ອິອິ ອ້າວ ຄັນຊັ້ນຜູ້ທີ່ບໍ່ໄດ້ຮຽນເດຊັ້ນຈະເຮັດແນວໃດດີ? ຖ້າຢາກຮູ້ແທ້ຂ້າພະເຈົ້າກໍຈະບອກ ແຕ່ກ່ອນອື່ນ ຂໍເລົ່າປະສົບການຂອງຂ້າພະເຈົ້າກ່ອນໜ້ອຍໜຶ່ງ ຕອນທີ່ເສັງແລ້ວມື້ນັ້ນ ຂ້າພະເຈົ້າໄດ້ຖາມກັບຄົນຜູ້ໜຶ່ງວ່າ ມັນຈຳເປັນບໍ່ທີ່ເຮົາຕ້ອງໄດ້ພາສາຍີ່ປຸ່ນ ແລະ ຄະແນນເຮົາຕ້ອງໄດ້ສູງທຸກວິຊາບໍ່ ຫຼື ບາງວິຊາກໍ່ໄດ້ ແຕ່ຄຳຕອບທີ່ຂ້າພະເຈົ້າໄດ້ກັບມານັ້ນ ເຮັດໃຫ້ຂ້າພະເຈົ້າອຶ້ງ ແລະ ຍັງຈື່ຈົນຮອດຕອນນີ້ ແລະ ຈະຈື່ຕະຫຼອດໄປ ຈະເກັບໄວ້ເລົ່າໃຫ້ຜູ້ທີ່ຈະຕາມມາໃນປີຕໍ່ໆໄປຟັງອີກ “ບໍ່ເປັນຫຍັງນ້ອງ ປີໜ້າຈັ່ງເສັງໃໝ່” !!! ຫະ !!! ເປັນຫຍັງຄືເວົ້າແນວນີ້? ຂ້າພະເຈົ້າເສຍໃຈ ຢາກຮ້າຍ ຮູ້ສຶກບໍ່ດີຫຼາຍທີ່ຖືກເວົ້າໃຫ້ແບບນັ້ນ. ແຕ່ເມື່ອມາຄິດເບິ່ງດີໆແລ້ວ ຂ້າພະເຈົ້າກໍເຂົ້າໃຈຄົນຜູ້ນັ້ນ ເພາະທຶນປະລິນຍາຕີ ຍາກ ຍາກ ຍາກ ຍາກ ຍາກຫຼາຍ ປີທີ່ຜ່ານໆມາກໍເກືອບບໍ່ມີຄົນເສັງໄດ້ເລີຍ ຄັ້ງລ່າສຸດກໍແມ່ນສອງປີກ່ອນ(ນັບຈາກປີ2017) ລາວເລີຍຄາດວ່າໜ້າຈະບໍ່ມີຄົນໄດ້ຕາມເຄີຍ ແຕ່ຍ້ອນຂ້າພະເຈົ້າໄດ້ຮຽນມາຂ້ອນຂ້າງຫຼາຍສົມຄວນ ຈຶ່ງຜ່ານມາໄດ້(ແບບເກືອບບໍ່ໄດ້ ຮາຮາ) ສະນັ້ນຄົນທີ່ບໍ່ໄດ້ກຽມຕົວ ຂ້າພະເຈົ້າຂໍບອກວ່າ “ບໍ່ເປັນຫຍັງນ້ອງ ປີໜ້າຈັ່ງເສັງໃໝ່” ແຕ່ຖ້າຢາກມາຕອນປີ 2018 ເລີຍ ກໍຄວນປ່ຽນໄປເສັງລະດັບຊັ້ນສູງເທັກໂນໂລຊີ ຫຼື ຊັ້ນສູງທົ່ວໄປແທນ. ແຕ່ສຳລັບຂ້າພະເຈົ້າແລ້ວ ຖ້າບໍ່ໄດ້ປີນີ້ ກໍຈະເສັງປີຕໍ່ໆໄປ ຈົນກວ່າຈະໄດ້. ທຸກທ່ານກໍເຄີຍໄດ້ຍິນ “ຄວາມພະຍາຍາມຢູ່ບ່ອນໃດ ຄວາມສຳເລັດຢູ່ບ່ອນນັ້ນ.” ຂໍຍົກຕົວຢ່າງໃຫ້ຟັງ ຜູ້ທີ່ໄດ້ທຶນນີ້ກ່ອນຂ້າພະເຈົ້ານັ້ນ ທີ່ຈິງແລ້ວແມ່ນເສັງຄັ້ງທີ 3 ຈຶ່ງຜ່ານ ຮຽນຢູ່ ມ.ຊ ອີກສອງປີກະຈົບແລ້ວ ແຕ່ລາວກໍຕັດສິນໃຈຈາກບ້ານມາ (ທັງນີ້ກໍຂຶ້ນກັບເງື່ອນໄຂຂອງແຕ່ລະທ່ານ). ລອງຄິດເບິ່ງວ່າເສຍເວລາພຽງແຕ່ປີໜຶ່ງສອງປີ ແລ້ວໄດ້ປະສົບການອັນລຳ້ຄ່າ ຫາຢູ່ໃສບໍ່ໄດ້ມາ ມັນບໍ່ກຸ້ມບໍ? ຖ້າທ່ານຢາກໄດ້ທຶນ ປ. ຕີແທ້ໆ ແຕ່ປີນີ້ບໍ່ທັນ ກໍຍັງມີປີໜ້າ ເຊິ່ງຂ້າພະເຈົ້າເຊື່ອວ່າ ເວລາໜຶ່ງປີນັ້ນພຽງພໍທີ່ຈະເຮັດໃຫ້ເຮົາຜ່ານໄດ້ ແຕ່ກໍຕ້ອງຂຶ້ນກັບຄວາມພະຍາຍາມຂອງເຮົາອີກດ້ວຍ. ແລ້ວສະຫຼຸບວ່າຕ້ອງໄດ້ພາສາຍີ່ປຸ່ນກ່ອນບໍ່ ຄຳຕອບທີ່ຊັດເຈນໃນຕອນທີ່ຂ້າພະເຈົ້າເສັງນັ້ນແມ່ນບໍ່ໄດ້ຮັບມາ. ແຕ່ມື້ນີ້ທີ່ທຸກທ່ານໄປຟັງອາດຈະໄດ້ຄຳຕອບນັ້ນມາແລ້ວກໍເປັນໄດ້ ຊັ້ນແລ້ວ ຂ້າຈະເຈົ້າຈະຂໍເວົ້າເຖິງນັກຮຽນຢູ່ພີ້ດີກວ່າ ຢູ່ທີ່ໂຮງຮຽນທີ່ຂ້າພະເຈົ້າຮຽນຢູ່ຕອນນີ້ແມ່ນເປັນບ່ອນສອນພາສາຍີ່ປຸ່ນສຳລັບນັກຮຽນທີ່ຈະຮຽນຕໍ່ໃນລະດັບປະລິນຍາຕີ, ໂທ ແລະ ນັກຮຽນແລກປ່ຽນໂດຍສະເພາະ ເຊິ່ງປີນີ້ (ສະເພາະຢູ່ໂຕກຽວ) ປ. ຕີ ມີ 52 ຄົນ. ທີ່ຂ້າພະເຈົ້າສັງເກດເຫັນຄືນັກຮຽນທີ່ຮຽນສາຍວິທະຍາສາດທຳມະຊາດນັ້ນໄດ້ພາສາຍີ່ປຸ່ນແລ້ວມີພຽງແຕ່ສີ່ຄົນ ສ່ວນສາຍສັງຄົມນັ້ນໄດ້ພາສາຍີ່ປຸ່ນເກືອບໝົດທຸກຄົນແລ້ວ ຍັງແຕ່ສີ່ຄົນທີ່ບໍ່ທັນໄດ້. ຈາກຂໍ້ມູນນີ້ອາດຈະສະຫຼຸບໄດ້ວ່າ ຜູ້ທີ່ຈະຮຽນສາຍສັງຄົມ ຖ້າໄດ້ພາສາຍີ່ປຸ່ນ ຈະມີໂອກາດຫຼາຍຂຶ້ນ ແລະ ສາຍທຳມະຊາດນັ້ນຖ້າບໍ່ທັນໄດ້ກໍບໍ່ເປັນຫຍັງ. ແຕ່ຖ້າໄດ້ກໍຍ່ອມດີກວ່າ.

ມາຮອດຕອນນີ້ ທ່ານຜູ້ອ່ານ ສາເຫດທີ່ທຶນນີ້ຍາກໜັກຍາກໜາແມ່ນຍ້ອນຫຍັງກັນແທ້? ລອງຄິດເບິ່ງດຸ

ເຫັນໂຕເລກນີ້ແລ້ວໃຈຫາຍ ການເພີ່ມໃຫ້ມັນຫຼາຍຂຶ້ນແມ່ນໜ້າທີ່ຂອງພວກທ່ານເດີ້ (ピピ君、写真ありがとね)

ງ່າຍໆ ຍ້ອນວ່າ ເປັນທຶນລ້າ ບໍ່ຕ້ອງໃຊ້ຄືນ ໃຜກໍຢາກໄດ້ ເຮັດໃຫ້ມີອັດຕາການແຂ່ງຂັນສູງ ເຮົາຕ້ອງໄດ້ແຂ່ງກັບນັກສອບເສັງທຸກປະເທດອື່ນທີ່ມີສາຍພົວພັນການທູດກັບຍີ່ປຸ່ນ ຖ້າຢາກໄດ້ແທ້ ຕ້ອງໄດ້ຕັ້ງໃຈ ແລະ ອອກແຮງໃຫ້ເຖິງທີ່ສຸດ.

ຕໍ່ໄປ, ຂ້າພະເຈົ້າຈະແນະນຳແຫຼ່ງຊອກບົດເສັງໃຫ້ພວກທ່ານ

– ອາຈານ “ກູ” Google

– https://www.facebook.com/groups/111139462302653/ (ກຸ່ມສາກົນຂອງນັກສອບເສັງທຶນນີ້ທົ່ວໂລກ ທັງຜູ້ທີ່ກຳລັງຈະເສັງ ແລະ ເສັງໄດ້ແລ້ວ ສາມາດສອບຖາມແລະແລກປ່ຽນຂໍ້ມູນໄດ້)

– ຫ້ອງສະໝຸດ LJI (ຢູ່ແຈໆວ່າຊັ້ນ ຂໍຂອບໃຈມາຍັງສາວງາມທີ່ເຄີຍໄປປັດຝຸ່ນຢູ່ແຟ້ມໂຕນັ້ນ ແລະ ແບ່ງປັນຂໍ້ມູນໃຫ້)

– Orientation @ NUOL May 6th, 2017

– ຮ້ານຂາຍປຶ້ມທີ່ຕະຫຼາດເຊົ້າ (ເປັນປຶ້ມເຫຼັ້ມນ້ອຍໆໜ້າຮັກເຫຼັ້ມໜຶ່ງ)

– https://www.facebook.com/MEXTSCHOLARSHIPLAOS/ (ອ້າຍທີ່ຈົບຈາກຍີ່ປຸ່ນຢາກແບ່ງປັນຄວາມຮູ້ໃຫ້ນ້ອງໆ)

– https://kthkhanh.wixsite.com/takeshi (ຂອງອາຈານ ທອງຂັນ)

– https://www.youtube.com/channel/UCVh4p0AFuSX76R1Aq0A8g7g (ວິທີ້ແກ້ບົດເສັງໃນບາງປີ ເປັນພາສາປອກຕຸຍການ ເຖິງຈະຟັງບໍ່ເຂົ້າໃຈ ແຕ່ພະຍາຍາມເບິ່ງເອົາ)

ບາງທ່ານອາດຈະມີໝົດແລ້ວ ມີຫຼາຍກວ່າຂ້າພະເຈົ້າກະບໍ່ຮູ້. ແຕ່ສຳລັບທ່ານທີ່ຍັງບໍ່ມີ ໃຫ້ຮູ້ຕົວວ່າພວກທ່ານໂຊກດີຫຼາຍທີ່ຂ້າພະເຈົ້າຂຽນໃຫ້ ຄວາມຈິງຂ້າພະເຈົ້າບໍ່ຢາກເຮັດໃຫ້ຊຳ້ ເພາະຢາກໃຫ້ພວກທ່ານຮູ້ເຖິງຄວາມລຳບາກ ເພາະຕອນທີ່ຂ້າພະເຈົ້າຊອກນັ້ນ ມີພຽງແຕ່ອາຈານກູເທົ່ານັ້ນ ແຕ່ລິງຄ໌ຂ້າງເທິງ ກໍຍັງບໍ່ພໍ ຍັງຕ້ອງໄດ້ຄົ້ນເຂົ້າໄປໃຫ້ລະອຽດ ແລະ ຊອກໃຫ້ຫຼາຍກວ່ານີ້ອີກ (ບອກໃບ້ ຢູ່ກຸ່ມຢູ່ເຟສບຸກຈະມີລິງຄ໌ຢູ່ຫັ້ນອີກເທື່ອໜຶ່ງ ໄປຊອກໃຫ້ເຫັນເດີ້ ຖ້າຫາໂຕນີ້ເຫັນຈະເປັນປະໂຫຍດຢ່າງຍິ່ງ)

ໃຫ້ທ່ານທຳຄວາມເຂົ້າໃຈ ແລະ ແກ້ໃຫ້ຫຼາຍທີ່ສຸດເທົ່າທີ່ເປັນໄປໄດ້ ທັງພາສາອັງກິດ, ຍີ່ປຸ່ນ,​ ຄະນິດສາດ, ເຄມີສາດ, ຟີຊິກສາດ, ຊີວະສາດ ຂຶ້ນກັບວິຊາທີ່ຕົນເອງຈະເສັງ. ແຕ່ໃຫ້ເນັ້ນປີ 2013–14–15–16–17 (ປີ17ນິທ່ານອາດຈະໄດ້ມາມື້ນີ້). ເນື່ອງຈາກຂ້າພະເຈົ້າມາສາຍສັງຄົມ, ເຮັດໃຫ້ບໍ່ສາ ມາດອະທິບາຍວິຊາທຳມະຊາດໄດ້, ຈະຂໍບອກກ່ຽວກັບວິຊາຄະນິດສາດແທນ. ປີທີ່ຂ້າພະເຈົ້າເສັງນັ້ນ ມີຊ່ອງໃຫ້ໃສ່ຄຳຕອບທັງໝົດປະມານ 41–43 ຊ່ອງ. ຊ່ວງສອງປີຫຼັງນີ້ອອກວິຊາສະຖິຕິນຳ ເຊິ່ງແຕ່ກ່ອນບໍ່ອອກ ປີນີ້ກໍຄວນເບິ່ງໄວ້. ນອກນັ້ນ, ກໍມີສົມຜົນ/ອະສົມຜົນໄຕມູມມິຕິ, ການນັບ, ເວັກເຕີ, ອັນດັບ. ແຕ່ລະຂໍ້ກໍ່ພໍເຮັດໄດ້ ແຕ່ຈະມີບາງຂໍ້ທີ່ບໍ່ເຄີຍເຮັດ ບໍ່ເຄີຍເຫັນມາກ່ອນ ຕ້ອງໄດ້ຄິດວິທີເຮັດຢູ່ຫັ້ນເລີຍ ເປັນຕົ້ນແມ່ນຂໍ້ສຸດທ້າຍ ແຄລຄູລັສ ເຊິ່ງຂໍ້ນັ້ນມີຄົນໜຶ່ງບອກຂ້າພະເຈົ້າວ່າ “ໂຄດງ່າຍເລີຍ ຂໍ້ແຈກຄະແນນ” ແຕ່ໂຕເອງພັດເຮັດບໍ່ໄດ້ ທ່ານຢ່າເອົາເປັນແບບຢ່າງເດີ້. ສ່ວນຫຼາຍເປັນເລກພື້ນຖານໝົດທີ່ຍາກກໍຄືຕ້ອງໄດ້ໃຊ້ເຕັກນິກໃນການແກ້ ສຳລັບຄົນທີ່ຈື່ແຕ່ບົດຮຽນມ. 7 ກໍຂໍສະແດງຄວາມເສຍໃຈນຳ. ສ່ວນຄົນທີ່ຕັ້ງໃຈຮຽນມາ, ເທື່ອນີ້ແຫຼະທີ່ຕົ້ນພະຍາຍາມທີ່ເຮົາປູກມັນຈະອອກດອກເບັ່ງບານແລ້ວ. ຕັ້ງໃຈເດີ້.

ຄະແນນພາກນີ້ຈະຖືກສົ່ງຂ້າມປາຊີຟິກໄປປະມວນຢູ່ແດນປາດິບເພື່ອຊັ່ງຊາວ່າທ່ານຄວນໄດ້ໄປກິນຊາຊິມິຢູ່ຫັ້ນຫຼືບໍ່

ເມື່ອທ່ານເສັງຂຽນຜ່ານແລ້ວ, ທ່ານກໍຈະໄດ້ເຂົ້າສູ່ຮອບຕໍ່ໄປ…

ສຳພາດ

ຂ້າພະເຈົ້າຄິດວ່າ ໃນການສະໝັກທຶນການສຶກສາ ບໍ່ວ່າຈະທຶນໃດກໍຕາມ ສິ່ງທີ່ສຳຄັນທີ່ສຸດແມ່ນ “ເປົ້າໝາຍ.” “ຄວາມຝັນຂອງເຈົ້າແມ່ນຫຍັງ? ເປັນຫຍັງຈຶ່ງຢາກຮຽນຢູ່ປະເທດນີ້? ເປັນຫຍັງຈຶ່ງຢາກຮຽນວິຊານີ້? ເມື່ອຮຽນຈົບແລ້ວຈະເຮັດຫຍັງ? ເປັນຫຍັງກຳມະການຈຶ່ງຕ້ອງເລືອກເຈົ້າ?” ອາດຈະເປັນຄຳຖາມທີ່ນັກລ່າທຶນທຸກທ່ານເຄີຍໄດ້ຍິນ ຫຼື ຖືກຖາມຢູ່ຈົນລຶ້ງຫູກໍຕາມ ແຕ່ຄຳຕອບແທ້ໆຂອງມັນແມ່ນຫຍັງນັ້ນ ເປັນສິ່ງທີ່ຍາກຫຼາຍ. ຢ່າງໜ້ອຍທ່ານຄວນຕອບຄຳຖາມທຳອິດໃຫ້ໄດ້ສາກ່ອນ.

ຕໍ່ມາກໍແມ່ນ “ແຮງຈູງໃຈ”, ການຫາແຮງຈູງໃຈໃຫ້ເຫັນວ່າຍາກແລ້ວ ການຮັກສາແຮງຈູງໃຈໄປໃຫ້ຮອດມື້ສຸດທ້າຍໃນຂັ້ນຕອນການສອບເສັງເອົາທຶນນັ້ນຍາກຍິ່ງກວ່າ. ຂ້າພະເຈົ້າໄດ້ເລີ່ມຮຽນພາສາຍີ່ປຸ່ນເມື່ອປະມານສາມປີກ່ອນ ຕ້ອງຂອບໃຈເພື່ອນຂອງຂ້າພະເຈົ້າທີ່ເປັນຄົນຊວນໃຫ້ຂ້າພະເຈົ້າໄປຮຽນນຳ. ໃນເບື້ອງຕົ້ນ ຂ້າພະເຈົ້າບໍ່ມີຄວາມສົນໃຈໃນຍີ່ປຸ່ນເລີຍແມ່ນແຕ່ໜ້ອຍດຽວ ແຕ່ເມື່ອໄດ້ລອງຮຽນພາສາຂອງເຂົາເຈົ້າ ຮຽນວັດທະນະທຳ ໄດ້ອ່ານກ່ຽວກັບການໃຊ້ຊີວິດນັກສຶກສາຢູ່ປະເທດແຫ່ງນີ້ແລ້ວ ກໍເກີດຄວາມຫຼົງໄຫຼຢ່າງບໍ່ເຄີຍເປັນມາກ່ອນ ແລະ ກໍສືບຕໍ່ຮຽນມາເລື້ອຍໆເຖິງວ່າຈະຢຸດໄປໃນຊ່ວງຫຼັງກໍຕາມ.

ຕົວຂ້າພະເຈົ້າເອງນັ້ນ ໄດ້ຟັງຄຳເວົ້າໂອວາດຂອງຜູ້ນຳລະດັບສູງທ່ານໜຶ່ງ ແລ້ວເກີດຄວາມຮູ້ສຶກຢາກເປັນສ່ວນໜຶ່ງໃນການພັດທະນາປະເທດຊາດຂອງພວກເຮົາ ເລີຍເອົາສິ່ງນັ້ນເປັນແຮງໃຈ ແລ້ວສູ້ຕໍ່ມາ. ທຸກເທື່ອທີ່ໝົດກຳລັງໃຈ ກໍໄດ້ແຕ່ຄິດເຖິງໃບໜ້າຂອງເດັກນ້ອຍທີ່ບໍ່ມີໂອກາດໄດ້ຮຽນໄດ້ຮຳ່ຄືກັບພວກເຮົາ. ຂ້າພະເຈົ້າຢາກສ້າງໂອກາດໃຫ້ພວກເຂົາ. ໃນຕອນນີ້ພວກເຂົາເປັນສ່ວນໜຶ່ງໃນເລື່ອງລາວຂອງຂ້າພະເຈົ້າ, ຂ້າພະເຈົ້າກໍຢາກເປັນສ່ວນໜຶ່ງຂອງເຂົາເຈົ້າເຊັ່ນກັນ. ທ່ານກໍຄວນຕາມຫາ (ເວົ້າວ່າຕາມຫາກໍຍາກ ເພາະຂອງຂ້າພະເຈົ້າກໍແມ່ນເກີດຈາກສິ່ງແວດລ້ອມພາຍນອກ) ສິ່ງທີ່ເປັນແຮງບັນດານໃຈຂອງທ່ານໃຫ້ເຫັນ ແລະ ຮັກສາມັນໄວ້ໃຫ້ດີທີ່ສຸດ.

ຖ້າທ່ານຫາກມີສິ່ງເຫຼົ່ານີ້ແລ້ວ ການຕອບຄຳຖາມສຳພາດຂອງຄະນະກຳມະການກໍບໍ່ແມ່ນເລື່ອງຍາກເລີຍ.

ກຳນົດເສັ້ນທາງເດີນຂອງໂຕເອງ

ນອກນັ້ນ ສິ່ງທີ່ຂ້າພະເຈົ້າຄິດຕະຫຼອດປີທີ່ຜ່ານມາຄື “ເຮົາຕ້ອງເອົາທຶນນີ້ໃຫ້ໄດ້” ຂ້າພະເຈົ້າພະຍາຍາມເກັບແຜນສຳຮອງໄວ້ໃນໃຈ ບໍ່ເວົ້າອອກມາ ເພາະວ່າ ຍ້ອນຄວາມເປັນມະນຸດ ເມື່ອມີອັນສຳຮອງແລ້ວ ອັນທີ່ຢາກໄດ້ແທ້ໆກໍບໍ່ຈຳເປັນທີ່ຈະເຮັດໃຫ້ເຕັມທີ່ (ແປກ)

ສ່ວນໃນຮອບຕໍ່ໄປນັ້ນ ຈະບໍ່ທັນຂໍກ່າວເຖິງ ຕອນນີ້ຂໍໃຫ້ພວກທ່ານສຸມໃສ່ຮອບທຳອິດໃຫ້ດີທີ່ສຸດສາກ່ອນ

ແຕ່ເຖິງຢ່າງໃດກໍຕາມ ບໍ່ວ່າທ່ານຈະໄດ້ທຶນນີ້ ຫຼື ທຶນອື່ນ ຫຼື ຮຽນຢູ່ລາວກໍຕາມ ຢາກໃຫ້ພວກທ່ານຄຳນຶງສະເໝີວ່າ ເມື່ອຮຽນຈົບແລ້ວ ການປະກອບສ່ວນເຂົ້າໃນການສ້າງສາປະເທດຊາດນັ້ນ ແມ່ນໜ້າທີ່ອັນສຳຄັນທີ່ສຸດຂອງພວກເຮົາ. ເຮົາໄດ້ດີແລ້ວກໍຄວນເຮັດໃຫ້ປະເທດລາວຂອງເຮົາດີຂຶ້ນໄປນຳກັນອີກ(ນີ້ເປັນພຽງຄວາມຮູ້ສຶກສ່ວນຕົວຂອງຂ້າພະເຈົ້າ).

ຕອນຈົບ

ສຸດທ້າຍນີ້ ຂໍຂອບໃຈທຸກທ່ານທີ່ເຂົ້າມາອ່ານແຕ່ຕົ້ນຈົນຈົບ ນີ້ເປັນບົດທຳອິດທີ່ຂ້າພະເຈົ້າຂຽນ ທັງໂຄງສ້າງ, ເນື້ອຫາ, ການໃຊ້ພາສາ ຍັງບໍ່ສົມບູນ ໂດຍສະເພາະດ້ານເນື້ອຫາ ເພາະຕ້ອງໄດ້ແຂ່ງກັບເວລາ. ດັ່ງນັ້ນ ຂໍໃຫ້ພວກທ່ານຕາມຫາຂ້າພະເຈົ້າແລະຕັກເຕືອນຂ້າພະເຈົ້າແດ່. ຂ້າພະເຈົ້າຈະໄດ້ນຳໄປປັບປຸງ ເພາະພາສາລາວແມ່ນສິ່ງທີ່ຂ້າພະເຈົ້າຮັກຫຼາຍແຕ່ກໍຍັງໃຊ້ບໍ່ເກັ່ງເທື່ອ. ສ່ວນການໃຊ້ຮູບພາສາທີ່ມີທັງຄຳສຸພາບແລະເປັນກັນເອງນັ້ນໜ້າຈະແມ່ນ “style” ຂອງຂ້າພະເຈົ້າ. ນອກນັ້ນການເວົ້າທີ່ຄຸມເຄືອແມ່ນການຈົງໃຈຂອງຂ້າພະເຈົ້າ ແຕ່ບາງບ່ອນກໍອາດຈະແມ່ນຄວາມຜິດພາດ ບໍ່ເຂົ້າໃຈສົ່ງມາຖາມໄດ້ ອາດຈະອ່ານຍາກແດ່ ເພາະບໍ່ໄດ້ແຍກລະອຽດ ຍ້ອນແນວນັ້ນໃຫ້ພວກທ່ານຟ້າວເສັງໃຫ້ໄດ້ແລ້ວມາຂຽນຊ່ວຍກັນ

ຫໍພັກສຳລັບນັກຮຽນນາໆຊາດ ມາພັກຢູ່ພີ້ໃຫ້ໄດ້ເດີ້

ທ້າຍແທ້ໆລະບາດນີ້ ຂໍໃຫ້ສິ່ງສັກສິດດົນບັນດານໃຫ້ທ່ານປະສົບຜົນສຳເລັດ ແລະ ເດີນທາງມາເຖິງນາຣິຕະໃນໄວວັນນີ້ ຂ້າພະເຈົ້າຈະຄອຍຖ້າພວກທ່ານ. (ສິ່ງສັກສິດນັ້ນ ແມ່ນຫຍັງຂໍໃຫ້ທ່ານພິຈາລະນາເບິ່ງເດີ້)

ໂຊກດີຈົ່ງມີແດ່ທ່ານ

ຂອບໃຈຂໍ້ມູນດີໆຈາກ ນາຍພານລ່າທຶນ (ບໍ່ບອກຊື່)

ແຫລ່ງທີ່ມາ: https://medium.com/@anonymous7856/ນາຍພານລ່າທຶນ-fc51ad0f33a7

Q&A ນັກຮຽນທຶນ Mext ຊັ້ນສູງ College of Technology 2017

PicsArt_05-16-10.35.32.jpgສະບາຍດີ ນ້ອງໆ Fanclub ກ້າເບ້ຍທຸກໆຄົນ ກ້າເບ້ຍເຮົາເຊື່ອເລີຍວ່າ: 18449762_1281611818620818_1352881744_n.png1494560590411.png

 

   ຫຼາຍໆຄົນກໍາລັງກຽມຕົວເສັງທຶນນີ້ກັນຢູ່   ກັບທຶນ Mext. ມື້ນີ້ກ້າເບ້ຍ ຈະພານ້ອງໆມາອ່ານ ບົດສໍາພາດນັກຮຽນທຶນລັດຖະບານຍີ່ປຸ່ນໃນລະດັບຊັ້ນສູງເຕັກໂນໂລຊີ (College of Technology) ຈາກນ້ອງ ປໍຈົວ ທີ່ໄດ້ຮັບທຶນ Mext ຊັ້ນສູງ ລ່າສຸດປີ2017 ນີ້

  1. ເເນະນໍາຕົນເອງ

18191632_1877942282482057_1097195988_n.jpg+ຊື່: ທ້າວປໍຈົວຢ່າງ

+ອາຍຸ 19 ປີ

+ບ້ານເກີດ: ບ້ານໂງຍ, ເມືອງແປກ, ເເຂວງຊຽງຂວາງ

+ປັດຈຸບັນກໍາລັງສຶກສາທີ່ປະເທດຍີ່ປຸ່ນ (ກໍາລັງກຽມພາສາ)

+ຄະນະທີ່ຈະເຂົ້າຮຽນຕໍ່: ສະຖາປັດ

  1. ເເນະນໍາກ່ຽວກັບທຶນ Mext

         ທຶນ MEXT ເປັນທຶນຂອງລັດຖະບານຍີ່ປຸ່ນຊື່ເຕັມເເມ່ນ Monbukagakusho (MEXT) ເປັນທຶນທີ່ນັກຮຽນລາວເຮົານິຍົມເອີ້ນກັນວ່າ “ທຶນເມັກ”

  • ປະເພດຂອງທຶນ

+ປະລິນຍາໂທ ເເລະ ປະລິນຍາເອກ( Master and PHD)

+ປະລິນຍາຕີ (Undergraduate)

+ ທຶນວິທະຍາໄລເຕັກໂນໂລຊີ (ຊັ້ນສູງ) ຫຼື (College of Technology)

+ທຶນວິຊາຊີບພິເສດ (ຊັ້ນສູງທົ່ວໄປ) ຫຼື (Specialized Training college)

> ຂໍ້ມູນເພີ່ມຕື່ມສາມາດເຂົ້າເບິ່ງທີ່Website: http://www.la.emb-japan.go.jp/itpr_en/00_000112.html

ຫົວບົດສອບເສັງປີຜ່ານມາເເລະຫຼາຍປີຜ່ານມາສາມາດເຂົ້າເບິ່ງໄດ້ທີ່

  1. https://m.facebook.com/MEXTSCHOLARSHIPLAOS/

     2. ຫຼືທີ່ສະຖາບັນຍີ່ປຸ່ນປະຈໍາ ມ.ຊ ຫຼື LJI

ໝາຍເຫດ: ສໍາລັບນັກຮຽນ-ນັກສຶກສາ ຜູ້ທີ່ໄດ້ຮັບທຶນຊັ້ນສູງຢ່າງສົມບູນຈະໄດ້ຮັບເບ້ຍລ້ຽງອີກດ້ວຍ ( ຄຸ້ມແມ່ນບໍ່ ∧∧ )

  1. ຮູ້ທຶນ Mext ໄດ້ເເນວໃດ? ເເຮງຈູງໃຈໃນການເສັງທຶນນີ້ເເມ່ນຫຍັງ?

         ທຶນMextເປັນທຶນຂອງລັດຖະບານຍີ່ປຸ່ນ. ຂ້າພະເຈົ້າໄດ້ຮູ້ທຶນ Mext ມາຈາກລຸ້ນອ້າຍທີ່ຮຽນໃນໂຮງຮຽນດຽວກັນ. ໃນຕອນທີ່ຂ້າພະເຈົ້າເສັງເຂົ້າມາຮຽນຢູ່ໂຮງຮຽນພອນສະຫວັນເເລະຊົນເຜົ່າດົງໂດກໄດ້ ຕອນມໍ5, ໄດ້ມີລຸ້ນອ້າຍທີ່ຈົບມໍປາຍໃນປີນັ້ນເສັງໄດ້ທຶນMEXTນີ້ເລີຍເຮັດໃຫ້ຂ້າພະເຈົ້າໄດ້ຮູ້ຈັກທຶນນີ້. ຫຼັງຈາກນັ້ນຂ້າພະເຈົ້າກໍເລີຍຕັ້ງເປົ້າໝາຍວ່າ “ຈະຕັ້ງໃຈຮຽນເເລ້ວເສັງເອົາທຶນMEXT ໃຫ້ໄດ້”.

      ຂ້າພະເຈົ້າໄດ້ເລີ່ມຮຽນກຽມເພື່ອຫຼັງຈົບມໍປາຍເເລ້ວຈະເສັງທຶນMEXTໃຫ້ໄດ້, ຂ້າພະເຈົ້າຕັ້ງໃຈຄົ້ນຄວ້າບົດສອບເສັງເກົ່າໃນປີຜ່ານໆມາທີ່ມັນເຄີຍອອກເສັງຕັ້ງເເຕ່ປີທໍາອິດທີ່ຂ້າພະເຈົ້າໄດ້ເຂົ້າຮຽນ ລວມເວລາໃນການກຽມເເມ່ນເປັນເວລາ3ປີເຕັມໆ.

ເເຮງຈູງໃຈທໍາອິດ ທີ່ເຮັດໃຫ້ຂ້າພະເຈົ້າສາມາດເສັງທຶນນີ້ໄດ້ກໍ່ຍ້ອນເຫັນລຸ້ນອ້າຍຫຼາຍຄົນສາມາດເສັງໄປໄດ້ເເລະພວກເຂົາກໍໄດ້ເເນະນໍາໃຫ້ເລີຍເຮັດໃຫ້ຕົນເອງມີຄວາມສົນໃຈເເລະຢາກເສັງໄປໃຫ້ໄດ້.

+ ເເຮງຈູງໃຈ ອີກອັນໜຶ່ງທີ່ຊ່ວຍຊຸກດັນຂ້າພະເຈົ້າກໍຄືແມ່ຂອງຂ້າພະເຈົ້າເອງ, ເນື່ອງຈາກສະພາບຄອບຄົວຊີວິດຫຍຸ້ງຍາກຫຼາຍ, ຄອບຄົວກໍມີເເຕ່ເເມ່ຄົນດຽວເປັນຄົນທໍາມາຫາກິນລ້ຽງຂ້າພະເຈົ້າເເລະເອື້ອຍນ້ອງທຸກຄົນ. ທຸກໆມື້ຂ້າພະເຈົ້າຕ້ອງເຫັນແມ່ຂອງຂ້າພະເຈົ້າໄປຮັບຈ້າງເຮັດວຽກຢ່າງໜັກ, ເຊິ່ງມັນເຮັດໃຫ້ຂ້າພະເຈົ້າຢາກຊ່ວຍແມ່. ຈົນກະທັ້ງແມ່ໄດ້ບອກຂ້າພະເຈົ້າວ່າ “ຖ້າເຈົ້າຢາກຊ່ວຍເເມ່ເເລະບໍ່ຢາກເຫັນແມ່ເມື່ອຍເເບບນີ້ກໍຈົ່ງຕັ້ງໃຈຮຽນເດີ້,ອານາຄົດຈຶ່ງມີອາຊີບການງານທີ່ດີເເລະຊ່ວຍເເບ່ງເບົາເເມ່ໄດ້”. ຄໍາເວົ້າເຫຼົ່ານັ້ນມັນໄດ້ຖືກເກັບໄວ້ໃນໃຈເເລະຄວາມຊົງຈໍາຂ້າພະເຈົ້າຕະຫຼອດມາ, ມັນເປັນຄໍາເວົ້າທີ່ເຮັດໃຫ້ຂ້າພະເຈົ້າອົດທົນ,ພະຍາຍາມ,ຕັ້ງໃຈຄົ້ນຄວ້າຮໍ່າຮຽນຈົນຜົນສຸດທ້າຍຫຼັງຈົບມໍປາຍຂ້າພະເຈົ້າກໍ່ສາມາດເສັງເອົາທຶນ MEXT ເພື່ອນໄປຮຽນຕໍ່ທີ່ປະເທດຍີ່ປຸ່ນຈົນໄດ້. ມັນເປັນຄັ້ງທີ2ທີ່ຂ້າພະເຈົ້າໄດ້ຕັ້ງປົ້າໝາຍຈົນສາມາດເຮັດມັນໃຫ້ສໍາເລັດໄດ້.

  1. ຂັ້ນຕອນໃນການເສັງທຶນມີຫຍັງເເດ່? ໄດ້ຍິນວ່າມີເສັງພາສາຍີ່ປຸ່ນ ຖ້າບໍ່ໄດ້ພາສາຍີ່ປຸ່ນເສັງໄດ້ຢູ່ບໍ?

+ ໄປຊື້ເເບບຟອມສະໝັກເສັງ, ຂຽນເເລ້ວສົ່ງໃບສະໝັກເເລະປະກອບເອກະສານໃຫ້ຄົບຖ້ວນ.

+ເມື່ອສົ່ງຟອມຜ່ານເເລ້ວກໍຈະມີການສອບເສັງພາກຂຽນ

+ ເມື່ອສອບເສັງພາກຂຽນເເລ້ວກໍຈະມີການສອບເສັງສໍາພາດ

*ສໍາລັບວິຊາສອບເສັງ

  1. ທຶນຊັ້ນສູງ College Of Technology: ເລກ+ຟີຊິກ+ອັງກິດ+ພາສາຍີ່ປຸ່ນ   ຫຼື: ເລກ+ເຄມີ+ອັງກິດ+ພາສາຍີ່ປຸ່ນ
  1. ທຶນຊັ້ນສູງທົ່ວໄປ: ເລກ+ອັງກິດ+ຍີ່ປຸ່ນ

ສໍາລັບວິຊາສອບເສັງທຶນປະລິນຍາຕີ,ໂທເເລະເອກເເມ່ນສາມາດເບິ່ງຕາມຢູ່ຕາມເເບຟອມສະໝັກຫຼືເຂົ້າເບິ່ງຕາມ website: http://www.la.emb-japan.go.jp/itpr_en/00_000112.html

>  ໃນການສອບເສັງພາກຂຽນນີ້ກໍຈະມີການສອບເສັງທັງວິຊາຄິດໄລ່, ພາສາອັງກິດ ເເລະ ພາສາຍີ່ປຸ່ນໄປພ້ອມໆກັນ. ເຊິ່ງວ່າວິຊາທີ່ນັກຮຽນເຮົາກັງວົນຫຼາຍເເມ່ນການສອບເສັງພາສາຍີ່ປຸ່ນ ເພາະຢ້ານຕົນເອງບໍ່ໄດ້ພາສາຍີ່ປຸ່ນເເລ້ວຈະເສັງບໍ່ຜ່ານ, ເເຕ່ຂ້າພະເຈົ້າຂໍເເນະນໍາວ່າບໍ່ຕ້ອງກັງວົນເລື່ອງພາສາຍີາປຸ່ນຫລາຍເພາະມັນບໍ່ສໍາຄັນປານໃດ,ວິຊາຫຼັກໆທີ່ຈະເປັນຕົວຕັດສິນວ່າເຮົາຜ່ານ ຫຼື ບໍ່ຜ່ານເເມ່ນຂຶ້ນກັບວິຊາຄິດໄລ່. ສ່ວນພາສາອັງກິດກັບຍີ່ປຸ່ນເປັນພຽງ2ວິຊາສໍາຮອງ (ສະເພາະຊັ້ນສູງເເລະຊັ້ນສູງທົ່ວໄປ) ເເຕ່ຖ້າເຮົາໄດ້ກໍຍິ່ງຈະເປັນການດີຫລາຍ. ສໍາລັບຂ້າພະເຈົ້າເອງຕອນທີ່ເສັງມາກໍ່ບໍ່ໄດ້ພາສາຍີ່ປຸ່ນຄືກັນ ເເຕ່ຍ້ອນເຮັດ2ວິຊາຄິດໄລ່ໄດ້ດີສົມຄວນກໍເລີຍສາມາດຜ່ານມາໄດ້.

> ໃນການເສັງສຳພາດຄຳຖາມທີ່ຂ້າພະເຈົ້າຖືກຖາມມີ:

+ ເລືອກຮຽນຫຍັງ?
+ ເປັນຫຍັງຈື່ງເລືອກເສັງທືນໄປຮຽນຕໍ່ຍູ່ປະເທດຍີ່ປຸ່ນ?
+ ເວລາວ່າງມັກເຮັດຫຍັງ?
+ ວັດທະນະທຳຂອງຍີ່ປຸ່ນທີ່ເຈົ້າຮູ້ມີຫຍັງເເດ່?
ໝາຍເຫດ: ຄຳຖາມເປັນພາສາອັງກິດເດີ້ 🙂

5. ມີວິທີກະກຽມໃນການເສັງເເນວໃດ?  (ທຶນຊັ້ນສູງເເລະຊັ້ນສູງທົ່ວໄປ)

  ສໍາລັບຂ້າພະເຈົ້າໄດ້ໃຊ້ເວລາກຽມຕົວເປັນເວລາ3ປີເຕັມໆ, ໄດ້ເລີ່ມລົງມືກຽມຕັ້ງເເຕ່ປີທີຮຽນມໍ5ຈົນຮອດມໍ7, ບົດຮຽນທີ່ໄດ້ຮຽນນັບເເຕ່ມໍ5ຈົນຮອດມໍ7ຂ້າພະເຈົ້າກໍ່ໄດ້ຄົ້ນຄວ້າທວນຄືນຕະຫລອດ.

       ຂ້າພະເຈົ້າຢາກເເນະນໍາໃຫ້ນ້ອງໆຫຼືໝູ່ໆເພື່ອນຄົນໃດທີ່ຈະກຽມເສັງຄວນທວນຄືນບົດຮຽນນັບຕັ້ງເເຕ່ມໍ5ມາ, ເພາະບົດຮຽນທີ່ຈະອອກເສັງເເມ່ນບໍ່ຢູ່ສະເພາະເເຕ່ໃນມໍ7ເທົ່ານັ້ນ ມັນຈະອອກປະສົມປົນເປກັນ, ສະນັ້ນທາງທີ່ດີທີ່ສຸດກໍຄືບໍ່ຄວນປະບົດຮຽນໂຕໃດເລີຍເເລະອີກຢ່າງຢາກໃຫ້ນ້ອງໆຫຼືໝູ່ເພື່ອນທີ່ຈະກຽມສອບເສັງທຶນນີ້ຄວນໄປເເກ້ຄືນບົດເສັງຜ່ານໆມາເພາະເເຕ່ລະປີຈະອອກໃນລັກສະນະທີ່ຄ້າຍຄືກັນ. ສ່ວນພາສາຍີ່ປຸ່ນຖ້າມີເວລາກໍຄວນໄປຮຽນໄວ້ກ່ອນກໍຈະເປັຍການດີ, ເພາະຖ້າເຮົາໄດ້ພາສາຍີ່ປຸ່ນເຖິງເຮົາບໍ່ໄດ້ທຶນMEXTນີ້ກໍສາມາດໄປສະໝັກທຶນອື່ນໆໄດ້.

     >ສໍາລັບນັກຮຽນ, ນັກສຶກສາຜູ້ໃດທີ່ສາມາດສອບເສັງຜ່ານເເລ້ວຢາກຮູ້ລາຍລະອຽດເພີ່ມຕື່ມຂອງການກຽມຕົວມາຮຽນຕໍ່ກໍ່ສາມາດຕິດຕໍ່ຫາຂ້າພະເຈົ້າເພື່ອໃ ຫ້ຄໍາເເນະນໍາກໍໄດ້ (Whatsapp: +81070 3884 8070)

  1. ຄິດວ່າສິ່ງໃດສໍາຄັນທີ່ສຸດໃນການເຮັດໃຫ້ຕົນເອງເປັນຜູ້ຖືກເລືອກ?

ສິ່ງທີ່ສໍາຄັນທີ່ສຸດທີ່ຂ້າພະເຈົ້າຢາກເເນະນໍາກໍຄືຕ້ອງດຸໝັ້ນກຽມຕົວທຸກໆຄັ້ງກ່ອນຈະລົງມືເຮັດສິ່ງໃດສິ່ງໜຶ່ງ, ບໍ່ວ່າຈະເປັນການສອບເສັງພາກຂຽນຫຼືສໍາພາດຫຼືເຮັດສິ່ງອື່ນໆກໍຕາມ ເຮົາຄວນມີການກະກຽມຕົວເອງກ່ອນ, ຫາລາຍລະອຽດຕ່າງໆກ່ຽວກັບສິ່ງທີ່ເຮົາຈະລົງມືເຮັດໃຫ້ຫຼາຍເທົ່າທີ່ຈະຫຼາຍໄດ້ ເເລະ ອີກຢ່າງກໍຄືການເປັນຕົວຂອງຕົວເອງ.18198111_1877958815813737_1997013949_n

  1. ການດໍາລົງຊີວິດຢູ່ປະເທດຍີ່ປຸ່ນເປັນເເນວໃດ? ສໍາລັບການຮຽນການສອນເດ?

         ການດໍາລົງຊີວິດຢູ່ຍີ່ປຸ່ນນີ້ເເມ່ນທຸກຢ່າງດີຫຼາຍບໍ່ວ່າຈະເປັນກາກິນຢູ່ຫຼືສະພາບເເວດລ້ອມລ້ວນເເລ້ວເເຕ່ສະອາດເເລະດີຫຼາຍ, ການໄປມາກໍສະດວກ, ສັງຄົມມີຄວາມປອດໄພ ເເລະຄົນຍີ່ປຸ່ນກໍເປັນຄົນນິໄສດີຫຼາຍ. ຂ້າພະເຈົ້າເເລະໝູ່ເພື່ອນກໍໄດ້ມີໂອກາດໄປຫຼິ້ນຫຼາຍບ່ອນ ໂດຍທີ່ມີຄົນຍີ່ປຸ່ນນໍາພາໄປ. ມີທຳອິດມາຮອດກໍມີລຸ້ນອ້າຍຫລາຍຄົນມາຮັບແລະພາໄປກິນເຂົ້າ,ແນະນຳວີທີການດຳລົງຊິວິໃຫ້ນັກສືກໃຫມ່ທຸກຄົນ,ຕໍມາຂ້າພະເຈົ້າແລະຫມູ່ເພື່ອນຫລາຍໆຄົນກໍໄດ້ໄປຫລີ້ນ ຫລາຍໆ ບ່ອນ ໂດຍມີລຸ້ນອ້າຍຄົນລາວຫລາຍໆຄົນພາໄປ ແລະ ກາມີພໍ່ຮັກຄົນຍີ່ປຸ່ນຫລາຍຄົນພາໄປຫລີ້ນແລະກີນເຂົ່າ.

       *ສໍາລັບການຮຽນການສອນຢູ່ຍີ່ປຸ່ນກໍມີທັງຈຸດທີ່ຄືກັນເເລະຕ່າງກັນຫຼາຍ ໂດຍສະເພາະແມ່ນດ້ານອຸປະກອນການຮຽນການສອນທີ່ທັນສະໄໝຫຼາຍ ນອກນັ້ນຄູອາຈານຄົນຍີ່ປຸ່ນກໍ່ເປັນມິດເເລະໃຫ້ການເເນະນໍາບອກສອນທີ່ດີຫຼາຍຕໍ່ນັກຮຽນຕ່າງຊາດທຸກຄົນ, ເຊິ່ງການສອນແມ່ນເອົາໃຈໃສ່ເເລະເຂັ້ມງວດຫຼາຍ ຈະເນັ້ນຄຸນະພາບຫຼາຍກວ່າປະລິມານ

18196020_1877957769147175_368704985_o

  1. ຄວາມຝັນຫລືເປົ້າຫມາຍທີ່ຕົນເອງຢາກຈະເຮັດໃນອະນາຄົດແມ່ນຫຍັງ?

ຄວາມຝັນເເລະເປົ້າໝາຍ ຄວາມຝັນຂອງຂ້າພະເຈົ້າໃນອະນາຄົດກໍ່ຄືຢາກຮຽນໃຫ້ຈົບປະລິນຍາຕີຢູ່ຍີ່ປຸ່ນນີ້ພ້ອມດ້ວຍຄະເເນນຜົນການຮຽນທີ່ດີເເລະຊອກເສັງເອົາທຶນໄປຮຽນຕໍ່ປະລິນຍາໂທທີ່ປະເທດອື່ນໆເຊັ່ນ: ສິງກະໂປ, ອາເມລິກາ,ຈີນ ຫຼື ອົດສະຕາລີ. ຫຼັງຈາກຈົບໂທກໍ່ຢາກຕໍ່ປະລິນຍາເອກໃຫ້ຈົບ. ເຊິ່ງຂ້າພະເຈົ້າໄດ້ວາງເປົ້າໝາຍໄວ້ວ່າຫຼັງຈາກຮຽນຈົບເເລ້ວຢາກຈະມາເປັນອາຈານສອນທີ່ ມະຫາໄລເເຫ່ງຊາດ(ມ.ຊ) ຄະນະສະຖາປັດຕະຍະກໍາສາດ. ຂ້າພະເຈົ້າຢາກຈະນໍາເອົາຄວາມຮູ້ຈາກຕ່າງປະເທດໃຫ້ຫຼາຍເທົ່າທີ່ຈະຫຼາຍໄດ້ເເລ້ວນໍາມາສິດສອນໃຫ້ນັກຮຽນລາວໃຫ້ໄດ້ຮຽນເອົາຄວາມຮູ້ເພື່ອທີ່ຈະສາມາດນໍາພາປະເທດຊາດເຮົາໃຫ້ກ້ວໜ້າຂຶ້ນ.

  1. ເເນະນໍາເຊີນຊວນນ້ອງໆຜູ້ທີ່ສົນໃຈໃນທຶນນີ້ເເນ່?

    ໃນນາມຂ້າພະເຈົ້າກໍເປັນ 1 ໃນນັກຮຽນຫຼາຍຄົນທີ່ໄດ້ຮັບທຶນ Mext ນີ້ຂໍເເນະນໍາເຊີນຊວນນ້ອງໆນັກຮຽນທຸກຄົນທີ່ມີຄວາມສົນໃຈຢາກເສັງເອົາທຶນໄປສຶກສາຕໍ່ທີ່ຕ່າງປະເທດ ມາສະໝັກສອບເສັງທຶນMEXTນີ້ນໍາກັນເຖາະ. ທຶນMEXTໃຫ້ຫຼາຍຢ່າງເເກ່ເຮົາເຊັ່ນ: ຄ່າໃຊ້ຈ່າຍຕະຫຼອດເວລາທີ່ສຶກສາຢູ່ປະເທດຍີ່ປຸ່ນ ຫຼື ຄ່າເດີນທາງໄປມາ. ທຶນນີ້ເປີດໂອກາດໃຫ້ເຮົາໄດ້ເຫັນໂລກກວ້າງຂຶ້ນກວ່າເກົ່າ, ໃຫ້ປະສົບການເເກ່ເຮົາໃນຫຼາຍໆດ້ານໂດຍສະເພາະເເມ່ນປະສົບການອັນລໍ້າຄ່າເຊັ່ນ: ການຮຽນຮູ້ໃນການດໍາລົງຊີວິດ ເເລະ ມີເບ້ຍລ້ຽງງປະຈຳ ເເກ່ນັກຮຽນທຶນໃນທຸກໆເດືອນ, ດັ່ງນັ້ນຂ້າພະເຈົ້າຂໍເຊີນຊວນນ້ອງໆນັກຮຽນທຸກຄົນລອງມາສະໝັກເສັງເພື່ອຊີງທຶນນີ້ນໍາກັນ. ຂ້າພະເຈົ້າຫວັງວ່າຈະໄດ້ພົບນ້ອງໆທຸກຄົນທີ່ Tokyo, Japan. ສູ້ໆ ໂຊກດີເດີ້ນ້ອງໆ.

18426103_1883693461906939_1842926468_o (1)

                             ໂຊກດີເດີ້ນ້ອງໆ ຫວັງວ່າຈະໄດ້ພົບກັນໃນໝໍ່ໆນີ້ See yaa~~~~∧∧

                                   ( ຄັນເຫັນກັນລະຢ່າລືມທັກເດີ້ 55555 )

           ເປັນເເນວໃດໄດ້ເເຮງບັນດານໃຈດີໆຂຶ້ນບໍ່ນ້ອງໆທີ່ເຂົ້າມາອ່ານບົດສໍາພາດນີ້. ສຸດທ້າຍນີ້ ກ້າເບ້ຍ ຂໍສົ່ງເເຮງໃຈໃຫ້ນ້ອງໆຜູ້ທີ່ກໍາລັງສະຫມັກທຶນນີ້ຈົ່ງໂຊກດີເດີ້ かんばってね~